आंघोळीसाठी गेला, बराच वेळ होऊनही यश बाहेर आला नाही; चिंतातूर मामांनी दार तोडलं अन्…

एरंडोल रेणुका नगर परिसरातील रहिवासी व रा. ति. काबरे विद्यालयातील शिक्षक वासुदेव त्र्यंबक पाटील यांचा मुलगा दहावीच्या वर्गात शिकत असलेला यश हा सकाळी दहा वाजेच्या सुमारास बाथरूम मध्ये आंघोळ करण्यासाठी गेला. बराच वेळ झाला तरी यश बाहेर का आला नाही? म्हणून त्याचे वडील वासुदेव पाटील यांनी त्याला आवाज दिला. मात्र, त्याच्याकडून काहीही प्रतिसाद न मिळाल्यामुळे वासुदेव पाटील व घरात उपस्थित असलेले यशचे मामा दीपक जयसिंग पाटील यांनी बाथरूमचा दरवाजा तोडला.

महाराष्ट्राला मधुमेहमुक्त करण्याचा निर्धार, डेन्मार्कच्या साथीनं राज्य सरकार मोठं पाऊल उचलणार : तानाजी सावंत
त्यावेळी यश हा बाथरूममध्ये खाली पडला होता आणि बाथरूममध्ये गॅस गळतीचा वास येत होता. वासुदेव पाटील व दीपक पाटील यांनी यशला ताबडतोब खाजगी हॉस्पिटलमध्ये नेले असता डॉक्टरांनी त्याला तपासून तो मयत झाल्याचे सांगितले. याबाबत दीपक हरसिंग पाटील यांनी दिलेल्या माहितीवरून पोलीस स्थानकात अकस्मात मृत्यूची नोंद करण्यात आली आहे. पोलीस निरीक्षक ज्ञानेश्वर जाधव यांच्या मार्गदर्शनाखाली हवालदार सुनील लोहार तपास करत आहेत.