Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
‘शिंदेंनी तुमच्यावर जीव ओवाळून टाकला, पण…’
उद्धव ठाकरे यांनी मुख्यमंत्री एकनाथ शिंदे यांच्यावर वेळीवेळी अन्याय केल्याची भावनाही दीपक केसरकरांनी बोलून दाखवली आहे. ‘ज्या एकनाथ शिंदेंनी तुमच्यासाठी जीव ओवाळून टाकला होता, ते उपमुख्यमंत्री होतील म्हणून तुम्ही २०१४ नंतर शिवसेनेकडे आलेले उपमुख्यमंत्रिपदही लाथाडले होते. तुम्ही भाजपवर टीका करता, पण याच भाजपने तुम्हाला २०१७ मध्ये मुंबई महानगरपालिकेत बिनशर्त पाठिंबा दिला होता. मग इतक्या वर्षांपासून महापालिकेत सोबत असणाऱ्या भाजपला कधीतरी महापौरपद द्यावं, असा विचार तुमच्या मनात का आला नाही?’ असा सवाल केसरकर यांनी विचारला आहे.
दरम्यान, शिंदे गटातील आमदार भविष्यात भाजपच्याच तिकिटावर निवडणूक लढवतील, असा हल्लाबोल उद्धव ठाकरे यांनी बुलढाण्यातील सभेत केला होता. यावर बोलताना दीपक केसरकर म्हणाले की, ‘आम्ही बाळासाहेबांच्या विचारांवर ठाम आहोत, म्हणून पक्ष सोडून गेलो नाहीत. नाहीतर दोन तृतीयांश आमदार होतो, ठरवलं असतं तर कोणत्याही पक्षात जाता आलं असतं, परंतु आम्ही तसं केलं नाही. बाळासाहेबांनी ही शिवसेना महाराष्ट्रासाठी निर्माण केली आहे, बिहारसमोर लोटांगण घालण्यासाठी नाही, हे उद्धव ठाकरेंनी लक्षात ठेवावं,’ असा टोलाही त्यांनी लगावला आहे.