तेराव्याचा कार्यक्रम सुरू होता, लोक जेवत असतानाच घुसली भरधाव कार, १८ जणांना उडवलं

सारणः बिहारच्या सारणमध्ये एक भीषण अपघात झाला आहे. भरधाव वेगाने येणाऱ्या कारने डझनभर लोकांना उडवल्याची घटना घडली आहे. या घटनेनंतर परिसरात एकच खळबळ उडाली आहे. जखमींना जवळच्या रुग्णालयात दाखल करण्यात आलं आहे. (Accident News Today)

समोर आलेल्या माहितीनुसार, सारण येथे तेराव्यासाठी आलेले लोकं जेवायला बसले होते. त्याचवेळी तिथे एक भरधाव कार घुसली अन् जवळपास १८ जणांना उडवले. त्यानंतर कारही एकदा पलटी झाली. या अपघातात १८ जण गंभीर जखमी झाले आहेत. नागरिकांना पोलिसांना लगेचच माहिती दिल्याने रुग्णवाहिका तातडीने घटनास्थळी पोहोचत जखमींना रुग्णालयात दाखल केले.

वाचाः सहा दिवसांच्या बाळासाठी दिव्यांग वडिलांची बिबळ्याशी झुंज, कल्याणमधील थरारक घटना

रुग्णालयात दाखल केलेल्या जखमींपैकी काहीची हालत नाजुक असल्याचं समोर आलं आहे. पोलिस कार चालकाचा शोध घेत असल्याची माहिती देण्यात आली आहे. प्रत्यक्षदर्शींनी दिलेल्या माहितीनुसार, भरधाव वेगाने येणाऱ्या कारने पहिले रस्त्याच्या लगत असलेल्या एका दुकानाला धडक दिली. त्यानंतर जेवण करत असलेल्या नागरिकांना उडवले. ही घटना इतकी वेगाने झाली की कोणालाही काही वेळ समजलंच नाही.

वाचाः गोवराच्या रुग्णांची वाढती संख्या, आरोग्यमंत्री लागले कामाला; जिल्हा आणि महापालिकांना सूचना जारी