Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
भगतसिंह कोश्यारींची पदमुक्त होण्याची इच्छा, संजय राऊतांचं ट्विट; राजभवनाकडून तात्काळ उत्तर
Shivaji Maharaj controversial statement by Koshyari | उदयनराजे भोसले यांनी दोन पत्रकार परिषदा घेत आपण कोणत्याही परिस्थितीत छत्रपती शिवाजी महाराजांचा अपमान खपवून घेणार नाही, अशी आक्रमक भूमिका घेतली आहे. येत्या ३ डिसेंबरला त्यांनी किल्ले रायगडावर आक्रोश मोर्चाची हाकही दिली आहे. तर संभाजीराजे छत्रपती हेदेखील भगतसिंह कोश्यारींच्या राजीनाम्यासाठी आग्रही आहेत. याशिवाय, विरोधकांनीही राज्यपाल कोश्यारींच्या राजीनाम्याचा मुद्दा सातत्याने लावून धरला आहे.
हायलाइट्स:
- संजय राऊत यांच्या ट्विटमुळे महाराष्ट्राच्या राजकीय वर्तुळात एकच खळबळ
- राजभवनाकडून तात्काळ एक स्पष्टीकरण देण्यात आले
राजीनामा द्या, पटकन विमान पकडा आणि जा; जितेंद्र आव्हाड यांचा राज्यपाल कोश्यारींवर निशाणासंजय राऊत यांच्या ट्विटमुळे महाराष्ट्राच्या राजकीय वर्तुळात एकच खळबळ उडाली होती. हे ट्विट समोर आल्यानंतर राज्यपाल भगतसिंह कोश्यारी कधी राजीनामा देणार, असा प्रश्न अनेकांकडून विचारला जाऊ लागला. या सगळ्याची दखल घेत राजभवनाकडून तात्काळ एक स्पष्टीकरण देण्यात आले. राज्यपालांच्या राजीनाम्याच्या वृत्तामध्ये कोणतंही तथ्य नसल्याचे राजभवनातून सांगण्यात आलं आहे. या वृत्ताचे आम्ही खंडन करत आहोत अशी प्रतिक्रिया ‘महाराष्ट्र टाइम्स ऑनलाइन’ला राजभवनातून देण्यात आली.
आता माघार नाही! राज्यपालांविरोधात उदयनराजे आणखी आक्रमक, ३ डिसेंबरला आक्रोश मेळावादरम्यान, उपमुख्यमंत्री देवेंद्र फडणवीस यांनी राज्यपालांच्या वक्तव्यामागील नेमकी भूमिका विशद करूनही भगतसिंह कोश्यारी यांच्याविरोधातील वातावरण अद्याप निवळलेले नाही. त्यामुळे भाजपचे इतर नेतेही या प्रकरणावर सावधपणे बोलताना दिसत आहेत. मात्र, उदयनराजे भोसले यांनी दोन पत्रकार परिषदा घेत आपण कोणत्याही परिस्थितीत छत्रपती शिवाजी महाराजांचा अपमान खपवून घेणार नाही, अशी आक्रमक भूमिका घेतली आहे. येत्या ३ डिसेंबरला त्यांनी किल्ले रायगडावर आक्रोश मोर्चाची हाकही दिली आहे. तर संभाजीराजे छत्रपती हेदेखील भगतसिंह कोश्यारींच्या राजीनाम्यासाठी आग्रही आहेत. याशिवाय, विरोधकांनीही राज्यपाल कोश्यारींच्या राजीनाम्याचा मुद्दा सातत्याने लावून धरला आहे. त्यामुळे गेल्या काही दिवसांपासून राज्यपालांचा राजीनामा हा महाराष्ट्राच्या राजकारणातील कळीचा मुद्दा झाला आहे. या सगळ्यामुळे राज्यपाल कोश्यारी यांच्यावर कारवाई करण्यासाठी भाजपवरील दबाव सातत्याने वाढत आहे. तेव्हा आता भाजप आगामी काळात नेमकी काय भूमिका घेणार, याची उत्सुकता सर्वांना लागली आहे.
उदयनराजे भोसले यांना पत्रकार परिषदेत अश्रू अनावर
छत्रपती शिवाजी महाराजांचा सध्या ज्याप्रकारे अपमान होत आहे, तो दिवस पाहण्याआधी मी मेलो असतो तर बरे झाले असते. शिवाजी महाराजांची ही अवहेलना पाहवत नाही, असे वक्तव्य खासदार उदयनराजे भोसले यांनी केले. ते सोमवारी पुण्यात आयोजित करण्यात आलेल्या पत्रकार परिषदेत बोलत होते. यावेळी छत्रपती शिवरायांच्या अपमानाच्या मुद्द्यावरुन उदयनराजे भोसले अत्यंत व्यथित होताना दिसले. पत्रकार परिषद सुरु असतानाच त्यांचे डोळे पाणावले. शिवाजी महाराजांबद्दल राज्यपाल भगतसिंग कोश्यारी यांच्या वक्तव्याबद्दल भूमिका स्पष्ट करण्यासाठी राज्यातील विविध शिवप्रेमी संघटनाची खासदार उदयनराजे भोसले यांच्या अध्यक्षतेखाली पुण्यात सोमवारी बैठक झाली. त्या बैठकीनंतर ते पत्रकार परिषदेत बोलत होते. या पत्रकार परिषदेत उदयनराजेंचे डोळे पाणावल्याने शिवप्रेमी संघटना आणखी आक्रमक होण्याची शक्यता आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.