१० वर्षांच्या मुलीच्या पोटात तब्बल अर्धा किलो केस! किती तास चालली शस्त्रक्रिया? वाचा सविस्तर…

गोंदिया : गोंदिया जिल्ह्यत एक धक्कादायक घटना समोर आली आहे. एका मुलीने चक्क केस खाल्ले असल्याची घटाना उघडकीस आली आहे. या मुलीने एक दोन नाही तर तब्बल अर्धा किलो पोटात आढळून आल्याने आश्चर्य व्यक्त केला जात आहे. दरम्यान, या मुलीची बालरोग तज्ज्ञांनी शस्त्रक्रिया केली असून १० वर्षांच्या मुलीला जीवदान दिलं आहे. अर्धा किलो केस पोटातून काढण्यासाठी डॉक्टरांना तब्बल तीन तास अथक प्रयत्न करावे लागले. तीन तासांच्या शस्त्रक्रियेनंतर डॉक्टरांना या मुलीच्या पोटातील केस काढण्यात यश आलं.

गोंदिया जिल्ह्यातील तिरोडा तालुक्यातील १० वर्षीय मुलीला तीन दिवसांपासून भूक न लागणे, पोट दुखणे, उलटी होणे असा त्रास होत होता. यामुळे तिच्या वडिलांनी तिला तिरोडा येथील बालरोगतज्ज्ञांना दाखवलं. डॉक्टरांनी त्या मुलीची सोनोग्राफी करायला सांगितलं. तेव्हा पोटात काहीतरी वेगळी वस्तू असल्याचं कळलं. यामुळे त्यांनी तिला पुढील उपाचारासाठी गोंदिया येथील खासगी व्दारका मल्टीस्पेशालिटी हॉस्पिटलमधील बालरोग शल्यचिकिसत्सक डॉ. विभु शर्मा यांच्याकडे पाठवले.

डिजिटल रुपयातून व्यवहार; UPI पेमेंट, पेटीएम आणि ई-Rupee मध्ये काय फरक? एका क्लिकवर दूर करा गोंधळ
डॉ. शर्मा यांनी मुलीची तपासणी केली असता त्यांनी तिच्या पोटाचे सिटीस्कॅन करण्याचा सल्ला दिला. या सिटीस्कॅनदरम्यान पोटात केसांचा गुच्छा असून तो आतड्यात गुंतलेला असल्याचे लक्षात आले. डॉक्टरांनी या मुलीच्या वडिलांकडे विचारणा केली. तेव्हा मुलींच्या वडिलांनी सांगितलं की, ती लहानपणी केस खायची. परंतु आता तिने केस खाणं बंद केलं आहे.

यावर डॉ. शर्मा यांनी त्या मुलीची शस्त्रक्रिया तातडीने करणे गरजेचे असल्याचे मुलीच्या पालकांना सांगितलं. शस्त्रक्रिया करताना मुलीच्या जीवाला पण धोका होऊ शकतो, असंही डॉक्टरांनी तिच्या कुटुंबाला सांगितलं होत. परंतु सुदैवाने त्या मुलीचे प्राण वाचले आहेत.