अपंग शिक्षिकेची पदोन्नतीसाठी दहा लाखांची फसवणूक; पवार, सुप्रिया सुळेंच्या नावाचा वापर

अवघ्या बाराव्या वर्षी गरोदर, सोळाव्या वर्षी पतीचा मृत्यू… मुलीची तपासणी केल्यानंतर झाले धक्कादायक सत्य उघड
त्यानंतर तुम्ही अस्थिव्यंग असताना तुम्हाला शिक्षणप्रमुखपदी पदोन्नती कशी मिळाली नाही, माझी राष्ट्रवादीचे नेते व तत्कालीन उपमुख्यमंत्री अजित पवार, खासदार सुप्रिया सुळे, शिक्षणमंत्री वर्षा गायकवाड यांच्याशी ओळख असल्याचे सांगत डॉ. जेवादे यांनी त्यांच्यासोबतचे फोटो दाखवले. आपण राष्ट्रवादीचा कार्यकर्ता असल्याचे सांगत त्यांचा विश्वास संपादन केला.

पदोन्नतीसाठी पैसे द्या, मी तुमचे काम करतो, असे त्याने डॉ. जेवादे यांनी सांगितले. त्यापोटी त्यांनी वाघोले यांच्याकडे दहा लाखाची मागणी केली. त्यापैकी सुरुवातीला तीन लाख रुपये फिर्यादीने फोन पेद्वारे पाठवले. डॉ. जेवादे याने आणखी पैशाची मागणी केली. त्यानुसार इंगळे याला पुण्यात मनपा शाळेत पाठवत तेथे फिर्यादीकडून दीड लाख रुपये रोख घेण्यात आले.

सीमाप्रश्न : चर्चेतून नक्कीच मार्ग निघतो; समितीचे निमंत्रण, मंत्री चंद्रकांत पाटील बेळगावला जाणार
त्यानंतर पुन्हा काही दिवसांनी जेवादे याने संपर्क करत तुमचे काम होत आले आहे, आणखी साडे पाच लाख रुपये लागतील असे सांगत त्यांना मुलाखतीसाठी बारामतीला बोलावले. त्यावेळी फिर्यादीने आणखी साडे पाच लाखाची रक्कम रोख स्वरुपात दिली. दोन ते तीन महिन्यात काम होईल, काम झाले नाही तर पैसे परत करतो, असे जेवादे याने सांगितले होते.

पैसे देऊन बराच कालावधी लोटला तरी काम होत नसल्याने फिर्यादी यांनी त्यांना फोनवर संपर्क केला. त्यावर तुमची ऑर्डर तयार आहे, लवकरच ती मिळेल असे सांगत त्याने उडवाउडवीची उत्तरे दिली. पुन्हा काही महिन्यानंतर त्याचा फोन लागणे बंद झाले. व्हाट्सअपवर मेसेज केल्यावर तुमचे पैसे लवकरच देतो असे त्याने सांगितले. परंतु काम न करता फसवणूक केली हे पुढे स्पष्ट झाले.

राजीनामा द्या, पटकन विमान पकडा आणि जा; जितेंद्र आव्हाड यांचा राज्यपाल कोश्यारींवर निशाणा