माजी खासदार तुकाराम गडाख यांचे निधन; लढवय्या नेता हरपला

अहमदनगर : माजी खासदार तुकाराम गडाख (वय ७२) यांचे ह्रदयविकाराने निधन. शुक्रवारी रात्री खासगी रुग्णालयात उपचार सुरू असताना त्यांची प्राणज्योत मालवली. त्यांच्यावर पानसवाडीच्या (ता. नेवासा) अमरधाममध्ये दुपारी बारा वाजता अंत्यसंस्कार करण्यात येणार आहे

नेवासा तालुक्यातील पानसवाडी येथील मूळ रहिवाशी असलेले तुकाराम यांचा जन्म १ नोव्हेंबर १९५३ साली झाला आहे. १९८९ ते १९९४ मध्ये त्यांनी अपक्ष शेवगाव-नेवासा विधानसभा मतदार संघाचे प्रतिनिधित्व केले. तर २००४ ते २००९ मध्ये त्यांनी राष्ट्रवादी काँग्रेस पक्षाकडून दक्षिण लोकसभा मतदार संघाचे प्रतिनिधित्व केले होते.

आज शनिवार दि ३ डिसेंबर रोजी दुपारी १२ वाजता नेवासा तालुक्यातील पानसवाडी येथे त्यांच्या पार्थिवावर अंत्यसंस्कार होणार आहे .गडाख यांच्या निधनामुळे नेवासा तालुक्यावर शोककळा पसरली आहे. एक लढवय्या नेता म्हणून त्यांना राज्यात ओळखले जात जोते. गडाख यांच्या पश्चात पत्नी, त्यांचे बंधू किसन गडाख (पेशवे), पाच बहिणी, एक मुलगा, दोन मुली, नातवंडे असा परिवार आहे.