Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
BJP leader Chandrakant Patil Ink attack | चंद्रकांत पाटील यांनी डॉ.बाबासाहेब आंबेडकर, महात्मा ज्योतिराव फुले यांच्याबद्दल आक्षेपार्ह वक्तव्य करुन वादाला तोंड फोडले होते. गेल्या दोन दिवसांपासून राज्यभरात त्याचे पडसाद उमटत आहेत. शनिवारी चंद्रकांत पाटील पिंपरी-चिंचवड येथे असताना आंबेडकरी संघटनांच्या कार्यकर्त्यांनी त्यांच्यावर शाईफेक केली. पोलीस बंदोबस्त असतानाही सुरक्षाकडे भेदून समता दलाच्या कार्यकर्त्याने चंद्रकांत पाटील यांना लक्ष्य केले होते.
हायलाइट्स:
- चंद्रकांत पाटील यांच्यावर हल्ला करणारे आंबेडकरी कार्यकर्ते अटकेत
- चंद्रकांत पाटील यांचं हल्ल्यानंतर विरोधकांना प्रतिआव्हान
- भाजप आणि आंबेडकरी संघटनांचे कार्यकर्ते पोलीस ठाण्यात आमनेसामने
मनोज भास्कर घरबडे, (वय ३४ रा. गोकुळ हॉटल जवळ पिंपरी, समता सैनिक दल संघटक ), धनंजय भाऊसाहेब इजगज (वय २९ वर्षे रा. आनंदनगर चिंचवड पुणे,समता सैनिक दल सदस्य) , विजय धर्मा ओव्हळ (वय ४० वर्षे रा. आनंदनगर चिचवड पुणे, वंचित बहुजन आघाडी सचिव) यांना पोलिसांनी ताब्यात घेतले असून त्यांच्यावर गुन्हा दखल करण्यात आला आहे. या घटनेने चिंचवड पोलिस स्टेशन येथे भाजपचे कार्यकर्ते आणि समता सैनिक दल आणि अन्य संघटना समोरासमोर आल्याचे पहायला मिळाले.
एखादा शब्द चुकला असेल, मात्र…; देवेंद्र फडणवीसांकडून चंद्रकांतदादांचं ठामपणे समर्थनचंद्रकांत पाटील यांनी पैठण येथे झालेल्या एका कार्यक्रमात कर्मवीर भाऊराव पाटील, डॉ. बाबासाहेब आंबेडकर, महात्मा ज्योतिबा फुले यांच्याबाबत आक्षेपार्ह आणि संतपाजनक विधान केले होते. त्याचे पडसाद संपूर्ण राज्यभर उमटले असून त्याचाच परिणाम म्हणजे हल्ला होता. या घटनेमुळे अनेक संघटना आक्रमक झाल्या असून महापुरुषांबद्दल असे वक्तव्य कदापि सहन केले जाणार नाही, असा संदेश या संघटनांकडून देण्यात आला. पोलिसांनी पकडल्यानंतर या कार्यकत्यांनी कर्मवीर भाऊराव पाटील, महात्मा फुले आणि डॉ. बाबासाहेब आंबेडकर याचा विजय असो अशा घोषणा दिल्या.
चंद्रकांत पाटील पिंपरी चिंचवडचे माजी नगरसेवक मोरेश्वर शेडगे यांच्या निवासस्थानी सदिच्छा भेट देऊन निघाले असताना हा प्रकार घडला आहे. त्यामुळे चंद्रकात पाटील आक्रमक झाले होते. हिम्मत असेल तर समोर येऊन बोला, मी कुणाला घाबरत नसल्याची प्रतिक्रिया त्यांनी दिली. या प्रकरणाचा अधिक तपास चिंचवड पोलिस करत आहेत.
गिरणी कामगाराचा मुलगा इथपर्यंत पोहोचला हे बघवत नाही, कातर आवाज अन् दादांच्या डोळ्यात पाणी..!
चंद्रकांत पाटलांवर शाईफेक करणारा कार्यकर्ता नक्की कोण आहे?
चंद्रकांत पाटील यांच्यावर शाईफेक करणारे कार्यकर्ते समता सैनिक दल या संघटनेचे होते. समता सैनिक दलाच्या मनोज गरबडे या कार्यकर्त्याने चंद्रकांत पाटील यांच्या अंगावर शाई फेकल्याचं सांगितलं जात आहे. गरबडे हा अनेक वर्षांपासून समता सैनिक दलात कार्यरत आहे. तो चिंचवड परिसरात वास्तव्याला आहे. तसेच तो अनेक सामाजिक कार्यात देखील कार्यरत आहे. कट्टर आंबेडकरवादी विचारांचा कार्यकर्ता म्हणून मनोज गरबडे याची ओळख असून डॉ. बाबासाहेब आंबेडकरांबाबत केलेल्या वक्तव्याचा निषेध म्हणून त्याने चंद्रकांत पाटलांवर शाईफेक केल्याचे समजते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.