वसई: बीचवर दाम्पत्याला सापडली नोटांनी भरलेली बॅग; पण आनंद क्षणभरच टिकला, धावत गाठले पोलिस स्टेशन

वसईः वसई-विरारमध्ये एक आश्चर्यकारक प्रकार घडला आहे. वसईतील भुईगाव येथील किनारा साफ करताना दाम्पत्याला चक्क नोटांनी भरलेली बॅग सापडली आहे. या बॅगेत तब्बल ५७ हजार रुपये होते. मात्र, त्यांच्या आनंदावर काही क्षणातच विरजण पडलं. (Vasai News Today)

वसईत राहणारे लिसबन फराव आणि सुजाव फराव हे दाम्पत्य आपल्या मुलांसह भुईगाव किनाऱ्यावर स्वच्छता मोहिम राबवतात. गेल्या पाच वर्षांपासून ते नियमीत किनाऱ्यावर स्वच्छता करतात. रविवारी वसई-विरार मॅरेथॉन असल्यामुळं समुद्र किनाऱ्यावर गर्दी कमी होती. त्यावेळी त्यांना तिथे एक बॅग सापडली. बॅग उघडून पाहताच त्यात ५७, ००० रुपये होते. मात्र, या सर्व नोटा जुन्या चलनातील होत्या.

वाचाः गुजरातची निवडणुक होईपर्यंत चीन शांत होतं की त्यांना…; संजय राऊतांना वेगळाच संशय
बॅगमध्ये जुन्या नोटा पाहून तेदेखील चकित झाले. यामध्ये १ हजार रुपयांच्या ३ आणि इतर ५०० रुपयांच्या नोटा होत्या. या नोटा मोजल्या असता त्यांची किंमत ५७ हजार रुपये इतकी आढळून आली. फराव कुटुंबीयांनी पैशांनी भरलेली ही बॅग वसई पोलिसांकडे जमा केली आहे. या प्रकरणी पोलिस अधिक तपास करत आहेत.

वाचाः ‘शाब्बास, शाब्बास, मुख्यमंत्री शाब्बास, असं मोदी म्हणाले कारण…’; शिवसेनेने स्पष्टचं सांगितलं

फराव कुटुंबीय वसई समुद्र किनाऱ्यावर दर रविवारी स्वच्छचा मोहिम राबवतात. आत्तापर्यंत त्यांनी ७०० टन कचरा जमा केला आहे. जवळपास एक वर्षांपूर्वी स्वच्छता मोहिम राबवताना फराव कुटुंबीयांनी हाड आणि मानवाची कवटी सापडली होती. दरम्यान, नोटांनी भरलेली बॅग समुद्र किनाऱ्यांवर कोणी फेकली याचा शोध पोलिस घेत आहेत.

वाचाः पोलिस भरती प्रक्रियेत तृतीयपंथीयांना अर्ज करण्याचा मार्ग खुला; वेबसाइटमध्ये महत्त्वाचा बदल