Tej Police Times
याबाबत मिळालेली अधिक माहिती अशी की, नाशिकमधील गंगापूर रोडवरील निम्स हॉस्पिटलमध्ये एका वॉर्डबॉयने महिला डॉक्टरवर जीवघेणा हल्ला केल्याची घटना घडली आहे. या वॉर्डबॉयने दवाखान्यातील कात्रीने महिला डॉक्टरच्या शरीरावर सपासप वार केल्याचा धक्कादायक प्रकार रविवारी रात्री घडला आहे.
हेही वाचा -BSF जवानाच्या मुलीचा अश्लील व्हिडिओ, विरोध केल्याने आरोपींनी सैनिकालाच संपवलं
अनिकेत डोंगरे असे या संशयित हल्लेखोराचे नाव असून, त्याने दुपारी झालेल्या किरकोळ वादाचा राग मनात धरुन कात्रीने महिला डॉक्टरच्या मानेवर उजव्या बाजूस आणि पोटाच्या उजव्या बाजूस वार करून महिला डॉक्टरला गंभीर जखमी केले. या महिला डॉक्टरला उपचारासाठी खाजगी रुग्णालयात दाखल करण्यात आले असून, त्यांची प्रकृती सध्या स्थिर असल्याची माहिती पोलिसांनी दिली आहे.
हेही वाचा -१२ बायका आणि १०२ पोरं केली, आता डोकं ठिकाण्यावर आलं; म्हणतो – कुटुंब नियोजन करणार
याप्रकरणी संशयित आरोपीवर जीवे ठार मारण्याचा प्रयत्न केल्याप्रकरणी नाशिकच्या गंगापूर पोलीस ठाण्यात गुन्हा दाखल करण्यात आला आहे. या संशयित आरोपीची मैत्रीण त्याच दवाखान्यात नर्स म्हणून कामाला असून, महिला डॉक्टरने या मैत्रिणीला काही कारणामुळे रागावले होते.
याचा राग मनात धरून संशयित आरोपीने महिला डॉक्टरवर हल्ला केल्याचा खुलासा पोलिसांनी केला आहे. दरम्यान,रुग्णालयातच महिला डॉक्टरवर हल्ला झाल्याने परिसरात खळबळ उडाली असून रुग्णालयातील डॉक्टरांमध्ये देखील भीतीचे वातावरण पसरले होते.
हेही वाचा -विमानतळावर पत्नीचा राडा, पतीला लाथा-बुक्क्यांनी धू-धू धूतलं; मग थेट तुरुंगात रवानगी, कारण काय?