Tej Police Times
शिंदेंचं आधी कटआऊट लागलं नंतर फडणवीसांचं लागलं, सगळीकडे ऊंचीची चर्चा, इनसाईड स्टोरी वेगळीच
काय आहे प्रकरण?
एकनाथ शिंदे याचं कटआऊट छोटं आणि देवेंद्र फडणवीसांचं मोठं अशा चर्चा सुरु आहेत. मात्र, हिवाळी अधिवेशन १९ डिसेंबर ते ३० डिसेंबर अशा कालावधीमध्ये घेण्याचं निश्चित करण्यात आलं होतं. दोन्ही नेत्यांचे कटआऊट्स सध्या चर्चेत आहेत. मात्र, चंद्रकांत पाटील यांच्याकडे संसदीय कार्य मंत्रिपद आहे. त्यांचा एक फोटो समोर आला आहे. तो फोटो १२ डिसेंबरचा असल्याचं सांगितलं जातं. त्यावेळी तिथं फक्त एकनाथ शिंदे यांचं कटआऊट होतं. हे कटआऊट खासदार डॉ. श्रीकांत शिंदे आणि किरण पांडव यांच्याकडून लावण्यात आलं होतं. पुढील सहा दिवस एकच कटआऊट दिसत होतं.
नातवाला वाचवण्यासाठी आजीसह डॉक्टरांचा संघर्ष, जे जे शक्य होतं ते केलं,अखेर जे नको तेच घडलं,सारे हळहळले
एकनाथ शिंदे यांचं एकट्याचं कटआऊट
खरंतर सरकारचं नेतृत्व शिंदे फडणवीस करत असले तरी नागपूरमध्ये एकनाथ शिंदे यांचे एकट्याचे कटआऊट्स लावण्यात आले होते. पुढच्या सहा दिवसांच्या काळात परिस्थिती जशीच्या तशी होती. शिंदे यांच्या कटआऊटवर बाळासाहेब ठाकरे आणि आनंद दिघे यांचे फोटो देखील दिसतात. आता एकनाथ शिंदे यांच्या कटआऊटच्या बाजूला देवेंद्र फडणवीसांचं भलं मोठं कटआऊट लावलेलं दिसून येतं. हे कटआऊट नेमकं कुणी लावलं हे अद्याप समोर आलेलं नाही. मात्र, ते एकनाथ शिंदे यांच्या कटआऊटच्या आकारापेक्षा मोठं आहे.
पाहा फोटो
एकट्या शिंदेंचं कट आऊट ते दोघाचं कट आऊट असा प्रवास
शरद पवार यांनी काँग्रेसबाबत केले मोठे विधान, म्हणाले, मतभेद असतीलही पण…
शिंदे यांच्या कटआऊटवर श्रीकांत शिंदे आणि किरण पांडव यांचं नाव आहे. पण, देवेंद्र फडणवीस यांचं कटआऊट कुणी लावलं हे समजत नाही, त्यामुळं देवेंद्र फडणवीस यांचं मोठं कटआऊट लावण्यामागचं नेमकं राजकीय गणित येणाऱ्या काळात नक्की समजेल. मात्र, या प्रकरणात सुरुवातीला फक्त एकनाथ शिंदे यांचं कटआऊट होतं. नंतरच्या काळात भाजपकडून देवेंद्र फडणवीस यांचं कटआऊट लावण्यात आलं ते देखील मोठ्या आकाराचं त्यामुळं शिंदे फडणवीस यांच्यात संबंधाबाबत चर्चा होऊ लागली आहे.
‘लवासा’ प्रकरण पुन्हा उच्च न्यायालयात; पवार, सुळेंविरोधात सीबीआय चौकशीचा आदेश देण्याची विनंती