Tej Police Times
बीड : अंबाजोगाई युवासेना तालुका प्रमुखाने आत्महत्येचा प्रयत्न केल्याची धक्कादायक घटना उघडकीस आली आहे. युवासेनेच्या वरिष्ठ नेत्याच्या जाचाला कंटाळून तरुणाने टोकाचं पाऊल उचलल्याचा आरोप आहे. अक्षय भूमकर असं आत्महत्येचा प्रयत्न करणाऱ्या तरुणाचं नाव आहे. विष पिऊन आयुष्य संपवण्याचा प्रयत्न त्याने केला. अक्षय अवघ्या २५ वर्षांचा आहे. शिवसेना (उद्धव बाळासाहेब ठाकरे) पक्षप्रमुख उद्धव ठाकरे आणि युवासेना प्रमुख आदित्य ठाकरे यांना पत्र लिहून त्याने जीवनाची अखेर करण्याचा निर्णय घेतला होता.
शिवसेना (उद्धव बाळासाहेब ठाकरे) पक्षप्रमुख उद्धव ठाकरे आणि युवासेना प्रमुख आदित्य ठाकरे यांना आपण आत्महत्या करत असल्याचं पत्र अक्षयने लिहिलं आणि सोशल मिडीयावर पोस्ट केलं होतं. युवासेना विभागीय सचिव विपुल बाळासाहेब पिंगळे यांच्या जाचास कंटाळून आत्महत्या करत असल्याचा उल्लेख या पत्रात करण्यात आला आहे.
अंबाजोगाईमध्ये पंचायत समिती आवारात त्याने विषारी औषध प्राशसन केले, मात्र या घटनेची माहिती अक्षयच्या मित्रांना मिळताच त्यांनी घटनास्थळी दाखल होऊन अक्षयला अंबाजोगाई येथील स्वामी रामानंद तीर्थ शासकीय रुग्णालयात दाखल केले. सध्या या ठिकाणी त्याच्यावर आयसीयूमध्ये उपचार सुरू आहेत.
हेही वाचा : नवऱ्याचे मित्रासोबत नग्न फोटो, बायको न्यायालयात; मुंबई सेशन्स कोर्टाचा मोठा निकाल
अक्षय भूमकर हा याआधी देखील मोठ्या प्रमाणात चर्चेत आला होता. ज्यावेळेस सरकारमध्ये सत्तापालट झाली आणि शिवसेनेतच शिंदे आणि ठाकरे असे दोन गट निर्माण झाले, त्यावेळेस अक्षय भूमकर याने आपल्या रक्ताने उद्धव ठाकरे यांना प्रतिज्ञापत्र लिहिलं होतं. मी आपल्याशीच एकनिष्ठ राहीन, असं त्याने रक्ताने लिहिलेलं पत्र देखील काही काळ मोठ्या चर्चेचा विषय ठरलं होतं,
आता वरिष्ठाच्या जाचाला कंटाळून अक्षय भूमकर याने उचललेलं हे टोकाचे पाऊल धक्कादायक आहे, मात्र सुदैवाने आत्महत्येच्या हेतूने विष प्राशन केल्यानंतर मित्रांना माहिती मिळताच त्यांनी तात्काळ अक्षयला अंबाजोगाईच्या स्वराती रुग्णालयात दाखल केल्यामुळे मोठा अनर्थ टळला. सध्या त्याच्यावर आयसीयूमध्ये उपचार सुरू आहेत, मात्र या घटनेने सध्या बीड जिल्ह्यात राजकीय पटलावर खळबळ उडाली आहे.
हेही वाचा : प्रियकराच्या मदतीने आईचा काटा काढला, ठाण्यात अल्पवयीन मुलीचं टोकाचं पाऊल