जनशताब्दीच्या डब्याची कपलिंग तुटली, एक्स्प्रेस निम्मी पुढे गेली अन् निम्मी मागेच राहिली

गाडी क्र १२०७२ अप जालना-मुंबई जनशताब्दी एक्स्प्रेस ही गाडी मुंबईकडे रवाना होत होती. मनमाड रेल्वे स्थानकावरील फलाट क्रमांक ५ वर असताना गाडीच्या डब्याची कपलिंग बेरिंग तुटल्याची घटना घडली. गाडी सुरू झाल्यावर कपलिंग तुटून अर्धी गाडी पुढे निघून होती. वेळीच हा प्रकार लक्षात आल्यानंतर गाडी थांबाविण्यात आली. आणि कपलिंग तुटलेला डबा काढून त्याच्या जागी दुसरा डबा जोडण्यात आला. यानंतर गाडी मुंबईकडे रवाना करण्यात आली. या घटनेमुळे दोन तास गाडीचा खोळंबा झाला होता. त्यामुळे प्रवाशांना मनस्ताप सहन करावा लागला. गाडी धावत असताना जर कपलिंग तुटली असती, तर मोठी दुर्घटना झाली असती. सुदैवाने रेल्वे स्थानकावर कपलिंग तुटल्यामुळे पुढील अनर्थ टळून प्रवाशांचा जीव वाचला.

सुसाइड नोटमध्ये भाजप पदाधिकाऱ्यांची नावे लिहून एकाची आत्महत्या, नाशिकमध्ये खळबळ