Tej Police Times
जालना येथील जिल्हा सामान्य रुग्णालयात डोळ्याच्या ऑपरेशनसाठी आलेल्या महिलेचा मृत्यू झाल्यानंतर एकच खळबळ उडाली. संबंधित महिलेची प्रकृती व्यवस्थित होती आणि ती चालत ऑपरेशनसाठी गेली होती. त्यामुळे अचानक तिचा मृत्यू झाल्याने महिलेच्या नातेवाईकांनी आक्रोश सुरु केला आहे. या घटनेमुळे अचानक गोंधळ उडाला. या प्रकरणी डॉक्टरांची चौकशी करुन कारवाई करण्याची मागणी मयत महिलेच्या मुलींनी केली आहे.
जालना येथील जिल्हा सामान्य रुग्णालयात डोळ्यांच्या ऑपरेशनचे शिबीर आयोजित करण्यात आले होते. या शिबिरात ऑपरेशन करण्यासाठी आलेल्या मुक्ताबाई साळुंके (वय ६५ वर्ष, रा. आवा अंतरवाला, ता. अंबड, जि. जालना) यांचा ऑपरेशनला घेऊन जाताना मृत्यू झाला. ही घटना दि. २९ डिसेंबर २०२२ रोजी सकाळी साडेदहा वाजताच्या सुमारास घडली.
आज होणार्या शिबीरामध्ये डोळ्याचे ऑपरेशन करण्यासाठी २५ महिला रुग्णालयात अॅडमिट झाल्या होत्या. त्यात मुक्ताबाई साळुंके या देखील दि. २८ डिसेंबर रोजी रुग्णालयात उपचारासाठी अॅडमिट झाल्या होत्या. त्यांच्या डोळ्यावर आज ऑपरेशन करण्यात येणार होते. परंतु, ऑपरेशन थेटरमध्ये जाण्यापूर्वी महिलेने मान टाकली असल्याचे नातेवाईकांनी म्हटले. परंतु, सदरील महिलेला कोणत्याही प्रकारचे इंजेक्शन दिले नाही, तिला ऑपरेशनसाठी नेण्या अगोदरच हार्ट अटॅक आला असल्याने तिला उपचारासाठी अतिदक्षता विभागात हलवले. तिथेच तिचा मृत्यू झाला, असे उपस्थित डॉक्टरांनी सांगितले.
हेही वाचा : 
अंत्यसंस्कार झालेलाच निघाला आरोपी, प्रेयसीसाठी ‘जीवघेणा’ खेळ, ‘दहाव्या’नंतर पुण्यात अटक
सदरील महिलेच्या संदर्भात डॉक्टरांना विचारले असता महिला ही मयत झाली आहे. परंतु, आयएमओ शिवाय मयत घोषित करता येणार नसल्याचे त्यांनी सांगितले. आयएमओ येईपर्यत मयत महिलेवर उपचार सुरुच होते. तोपर्यंत मयत महिलेच्या सोबत असलेल्या नातेवाईकांना कळविले नव्हते. आयएमओ आल्यानंतर तपासणी करुन महिलेला मयत घोषित केले व उपचार बंद करुन महिलेला लावलेल्या व्हेंटिलेटर मशिन देखील काढून घेण्यात आल्या. व नातेवाईकांना पेशंट मयत झाल्याचे सांगण्यात आले. मयत महिलेचे पोस्टमार्टम करण्यात येणार असल्याचे डॉ. परितकर यांनी सांगितले.
हेही वाचा : मित्रासोबत जाताना बाईकवरुन पडली, २२ वर्षीय युवतीचा मृत्यू, तरुणाला अटक