Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
लहान मुलीला भेटण्यासाठी निघालेल्या बापाला ट्रकने चिरडलं; मोठीचा काळीज पिळवटून टाकणारा आक्रोश
नातेवाईकांनी दिलेली माहिती अशी की, मुक्ताईनगर तालुक्यातील चारठाणा येथे राजू कोळी हे कुटुंबासह वास्तव्याला होते. शेतीकाम करून आपला उदरनिर्वाह करत होते. भडगाव येथील लहान मुलीला भेटण्यासाठी राजू कोळी हे शनिवारी दुचाकीने जळगावहून निघाले. जळगाव-पाचोरा रस्त्यावर जात असताना दुपारी साडेबारा वाजेच्या सुमारास रामदेववाडीजवळ त्यांच्या दुचाकीला समोरून भरधाव वेगाने येणाऱ्या वाहनाने जोरदार धडक दिली. या अपघातात दुचाकीस्वार राजू कोळी यांच्या डोक्यावरून ट्रकचे चाक गेल्यामुळे त्यांचा जागीच मृत्यू झाला, तर मागे बसलेली मोठी मुलगी सोनी कोळी ही गंभीर जखमी झाली. तिच्या पायाला दुखापत झाली आहे.
डोकं फिरायचंच बाकी राहिलं; जात पडताळणीसाठी मागितले ८ लाख रुपये, तिघांवर गुन्हा दाखल
अपघातानंतर घटनास्थळी ग्रामस्थांची मोठी गर्दी झाली होती. घटनेची माहिती मिळाल्यावर एमआयडीसी पोलीस ठाण्यातील पोलीस कर्मचारी स्वप्निल पाटील, हेमंत पाटील यांनी घटनास्थळी धाव घेवून ग्रामस्थांच्या मदतीने मृतदेह रुग्णवाहिकेतून जिल्हा रूग्णालयात हलवला. तसंच जखमी मुलीला खासगी रूग्णालयात उपचारार्थ दाखल करण्यात आलं आहे.
दरम्यान, शासकीय वैद्यकीय महाविद्यालयात नातेवाईकांच्या अश्रूंचा बांध फुटला. या अपघातप्रकरणी एमआयडीसी पोलिसात अकस्मात मृत्यूची नोंद करण्यात आली आहे. या दुर्दैवी घटनेमुळे राजू कोळी यांची आणि त्यांच्या लहान मुलीची भेट कायमचीच अधुरी राहिली आहे.