Tej Police Times
पुणे (पिंपरी-चिंचवड) : पुण्यातील पिंपरी-चिंचवडमधून आपल्या कार्यालयातून बेपत्ता झालेले ॲड. शिवशंकर शिंदे यांची हत्या प्रेमप्रकरणातून झाल्याचं पोलीस तपासात समोर आलं आहे. काळेवाडी परिसरातून गेल्या काही दिवसांपासून गायब झालेले शिवशंकर शिंदे यांचा मृतदेह अर्धवट जळलेल्या अवस्थेत नांदेड या ठिकाणी सापडला होता. शिंदे यांचे त्यांच्या नात्यातील विवाहित महिलेशी संबंध होते अन् त्या महिलेच्या पतीनेच अपहरण करुन ही हत्या केली अन् पुरावा नष्ट करण्यासाठी मृतदेह जाळण्याचा प्रयत्न केला. हे पोलीस तपासात समोर आलेलं आहे.
मेंदूत लिंबासारखी गाठ, इजा झाल्यास पॅरालिसीसची भीती, पण बोलता बोलता ऑपरेशन, डॉक्टरांची कमाल!
या गोष्टीचा राग त्या संबंधित महिलेच्या पतीच्या मनात होता. त्यावरून त्याने शिवशंकर शिंदे यांचा काटा काढण्याचे ठरवले. त्यानुसार त्यांनी ३१ डिसेंबरच्या दुपारी शिवशंकर शिंदे यांच्या कार्यालयातून त्यांचे अपहरण केले. त्यांचे हात-पाय अन् तोंड बांधून त्यांना एका ड्रममध्ये डांबून ठेवले. त्यानंतर हा ड्रम एका टेम्पोत टाकून ते नांदेड जिल्ह्याच्या टोकाला आले आणि तिथचं अर्धवट जळालेल्या अवस्थेत मृतदेह आढळला. मात्र, हत्या कधी झाली याबाबत अधिकृत माहिती अद्याप समोर आली नसून त्याबाबत पोलिसांचा अधिक तपास सुरू आहे.
या प्रकरणी नांदेड येथील पोलिसांनी तिघांना ताब्यात घेतले आहे. या हत्येमध्ये संबधित विवाहित महिलेचा पती, पतीचा भाचा, आणि त्या गाडीचा चालक यांचा यात समावेश आहे. वकील गायब झाल्यानंतर वाकड पोलीस स्टेशनमध्ये तक्रार दाखल करण्यात आली होती. त्यानंतर या घटनेचा तपास पोलिसांकडून युद्ध पातळीवर सुरू झाला होता.
हार्दिक पंड्याचे ऋषभ पंतबाबत मोठं वक्तव्य, म्हणाला’आता त्याच्या भविष्याबाबत…’