ऑफिसला निघालेल्या तरुणीसोबत विचित्र घटना; बसमध्येच मित्राने हात धरला अन् शरीरसुखाची मागणी

औरंगाबाद : कंपनीत कामाला निघालेल्या तरुणीचा तिच्या मित्राने बसमध्येच विनयभंग केल्याचा धक्कादायक प्रकार मुकुंदवाडी भागात समोर आला आहे. आरोपी तरुणाने सदर तरुणीचा बसमध्ये हात धरून तिला खाली ओढत माझ्याशी लग्न कर, माझ्यासोबत शरीरसंबंध ठेव, अशी मागणी केली. त्यानंतर पीडित तरुणीने पोलीस ठाण्यात धाव घेतली. सदर तरुणीच्या फिर्यादीवरून मुकुंदवाडी पोलीस ठाण्यात गुन्हा दाखल करण्यात आला आहे. सतीश मधुकर आठवले (वय -३० वर्ष, रा. दिघी, ता.कारंजा, जि. वाशिम, सध्या रा. औरंगाबाद) असं आरोपीचे नाव आहे.

या प्रकरणी अधिक माहिती अशी की, आरोपी सतीश आणि पीडित तरुणी दोघेही एकमेकांच्या ओळखीचे आहेत. दोघेही एकाच गावातील आहेत. पीडितेचं कुटुंब शहरात वास्तव्यास आहे, तर पीडिता ही एका खाजगी कंपनीत कामाला आहे. आरोपी सतीशचे पीडितेवर एकतर्फी प्रेम आहे. त्यामुळे तो गेल्या अनेक महिन्यापासून पीडितेला त्रास देत होता. यापूर्वी देखील आरोपी पीडितेच्या घरी गेला होता. त्यावेळी आरोपी सतीशची पीडितेच्या आईने समजूत काढली होती. मात्र तरी देखील तो ऐकण्याच्या मनस्थितीत नव्हता. त्याने पुन्हा त्रास देण्यास सुरुवात केली. त्यानंतर पीडितेने पोलिसांची मदत घेतली होती.

काळजाचा थरकाप उडवणारी घटना: सिलेंडरची वाहतूक करणाऱ्या ट्रकला अपघात, गॅस गळती सुरू झाली आणि…

पोलिसांनी आरोपीला समज दिली होती. आता मात्र आरोपी त्रास देणार नाही असे पीडित तरुणीला वाटत होते. त्यामुळे ती नेहमीप्रमाणे कंपनीत कामाला जाण्यासाठी म्हाडा कॉलनी परिसरातील रोजगार कार्यालयाजवळ उभी होती. दरम्यान तेथे कंपनीची बस आली आणि पीडित तरुणी बसमध्ये चढत असताना आरोपी सतीशने पीडितेचा हात धरून तिला खाली ओढले व शरीरसुखाची मागणी केली. या धक्कादायक प्रकारामुळे पीडिता घाबरली आणि तिने थेट पोलीस ठाणे गाठत फिर्याद दिली. या प्रकरणी मुकुंदवाडी पोलीस ठाण्यात विनयभंगाचा गुन्हा दाखल करण्यात आला आहे.