Tej Police Times
मुंबई : मुंबई महापालिकेत काम करणाऱ्या एमबीबीएस डॉक्टरला बेड्या ठोकण्यात आल्या आहेत. मुंबईतील दिंडोशी पोलिसांनी डॉक्टरला अटक केली. २७ वर्षीय डॉक्टरला विनयभंगाच्या आरोपाखाली अटक करण्यात आली आहे. आरोपी डॉक्टरचे नाव सुशांत कदम आहे. पीडित महिला डॉक्टरच्या जबाबाच्या आधारे पोलिसांनी ही कारवाई केली आहे.
आयपीसी कलम 354A (3), 500, 504, 506, 509 आणि आयटी कायद्यान्वये गुन्हा नोंदवण्यात आला आहे. आरोपी डॉक्टरला त्याच्या दिंडोशी संतोष नगर येथील क्लिनिकमधून अटक करण्यात आली. पोलिसांनी आरोपी डॉक्टरला न्यायालयात हजर केले असता न्यायालयाने आरोपीला एक दिवसाची पोलीस कोठडी सुनावली आहे.
हेही वाचा : बिबट्याचा हल्ला नाही, पत्नीला शिट्टी मारल्याने शेजाऱ्याने संपवलं, औरंगाबादेतील गूढ उकललं
दिंडोशी पोलीस ठाण्याचे वरिष्ठ पीआय जीवन खरात यांनी दिलेल्या माहितीनुसार, आरोपी डॉ. सुशांत कदम हा महिला डॉक्टरसोबत मागील अनेक दिवसांपासून गैरवर्तन करायचा. दोघेही मालाड बीएमसी पी नॉर्थ विभागात एकत्र काम करत होते.
डॉक्टरच्या सततच्या त्रासाला कंटाळून महिलेने पोलिसात तक्रार केली. त्यानंतर पोलिसांनी तातडीने दखल घेत आरोपीच्या मुसक्या आवळल्या.
हेही वाचा : आधी महिलेशी संबंध, मग तरुणाशी अनैसर्गिक सेक्स करुन जीव घेतला, धुळ्यातील आरोपी पनवेलला जेरबंद