Tej Police Times
जळगाव : बसमध्ये प्रवासात एक तरुण मोबाईलमधील गाणे मोठ्या आवाजात वाजवत होता, त्याला गाण्यांचा आवाज हळू कर आणि व्यवस्थित टिकीट घे, असं महिला बस वाहकाने सांगितल्याचा राग आला. त्यानंतर तरुणाने महिला बस कंडक्टरसह भांडण सोडविण्यास आलेल्या बस चालकाला मारहाण केल्याचा आरोप आहे.
दि. ४ जानेवारी रोजी सकाळी महिला वाहक ह्या कर्तव्य बजावत होत्या. सकाळी साडेअकरा वाजताच्या सुमारास बस कमळगाव बस स्थानकावर आल्यावर बसमध्ये रतीक बागुल हा तरुण बसला. तो महिला वाहकाकडे बघून मोबाईलमध्ये जोर-जोराने गाणी वाजवत होता. महिला कंडक्टरने आवाज कमी कर, असे रतिकला सांगितले. तरी देखील तो महिला वाहकाकडे पाहत होता.
त्यावर बस थांबवून महिला वाहकाने तरुणाला तू व्यवस्थित तिकीट घे, मला तुझ्यापेक्षा मोठ्या वयाची मुले आहेत, असे सुनावले. याचाच राग आल्याने रतिकने महिला वाहकाला बसच्या खाली ढकलून देत चापटा बुक्क्यांनी मारहाण केली. तरुण व महिला वाहकामधील भांडण सोडविण्यास आलेले बस चालक यांना देखील रतिकने चापटा बुक्यांनी मारहाण करत त्यांचा चष्मा फोडला व नुकसान सुद्धा केले.
हेही वाचा : पतीला रुग्णालयात डबा नेताना अॅम्ब्युलन्सने उडवलं, सासूच्या डोळ्यादेखत विवाहितेने जीव सोडला
या प्रकरणी महिला वाहकाने दिलेल्या तक्रारीवरुन रतीक बागुल याच्याविरोधात शासकीय कामात अडथळा निर्माण केल्याप्रकरणी अडावद पोलिसात गुन्हा दाखल करण्यात आला आहे. पुढील तपास पोलीस उपनिरिक्षक चंद्रकांत पाटील हे करीत आहे. पोलिसांनी घटनेची गंभीर दखल घेत तात्काळ संशयित तरुणाला अटक केली आहे.
हेही वाचा : मुंबईकर बँक मॅनेजरला बुलढाण्यातील ऊसाच्या शेतात संपवलं, लॉजची चावी ठरली कारण