Tej Police Times
पनवेल शहरामध्ये मध्यरात्रीच्या सुमारास एका अज्ञात माथेफिरूकडून वाहनांची जाळपोळ केल्याची घटना सीसीटीव्ही कॅमेरामध्ये कैद झाली आहे. या घटनेमध्ये एक ट्रॅक्टर, तीन दुचाकी गाड्या आणि एका रिक्षाला आग लावण्यात आलेली आहे. ही आग अज्ञात माथेफिरूने लावली असल्याचं स्पष्ट झालं आहे.
New Selection Committee: नव्या निवड समितीची घोषणा करताना BCCIने दिला मोठा धक्का, चार नवे चेहरे
अज्ञात माथेफिरूने पनवेल शहरातील नंदनवन कॉम्प्लेक्स येथील सप्तगिरी बार समोर उभी असलेले एक मोटारसायकल, पटेल हॉस्पिटल शेजारी अनिल झेरॉक्स येथे पार्क करून ठेवलेल्या तीन मोटारसायकली तसेच जवळच जोशी आळी परिसरात असलेली एका रिक्षाला आग लावली. त्याचप्रमाणे आद्यक्रांतिवीर वासुदेव बळवंत फडके नाट्यगृहासमोरील पार्किंगमध्ये उभा असलेला एका ट्रॅक्टरला देखील या इसमाने आग लावली. अशा चार वेगवेगळ्या ठिकाणी पार्क करून ठेवलेली पाच वाहने अज्ञात इसमाने जाळल्याची घटना घडल्याने परिसरात खळबळ उडाली आहे.
या घटनेची माहिती मिळताच पनवेल शहर पोलीस ठाण्याचे वरिष्ठ पोलिस निरीक्षक विजय कादबाने यांच्या मार्गदर्शनाखाली विविध पथके रवाना झाली असून वाहनांना आग लावलेल्या इसमाचा शोध घेत आहेत. पनवेल शहरामध्ये वेगवेगळ्या वाहनांना आग लावलेला इसम कोण होता? हे अद्याप स्पष्ट झालं नसून पोलीस या घटनेचा शोध घेत आहेत.
भयानक घटना; सहा वर्षांच्या मुलाने शिक्षिकेला थेट गोळी झाडली; कारण फक्त ऐवढच की…