क्षणाचाही विलंब न करता आईने विहिरीत उडी घेतली, मुलगी वाचली, पण आईचा बुडून मृत्यू!

बुलडाणा : लहानपणापासूनच आई आपल्या मुलाला जीवापाड जपत असते. दिवस-रात्र डोळ्यात तेल घालून त्याचे संगोपन हे आपल्याला आईच करत असते. पण आपल्या लेकरांवर काही संकट येते तेव्हाही प्रयत्नाची पराकाष्टा करून ती त्यातून त्याला बाहेर काढण्याचा अतोनात प्रयत्न करते. आणि अशीच एक घटना बुलडाणा जिल्ह्यातील खामगाव तालुक्यातील कोंटी गावात घडली.

पाणी काढताना विहिरीत मुलगी पडली

बुलडाणा जिल्ह्यातील खामगाव तालुक्यातील कोंटी येथील रहिवासी बेबीबाई उमा खताळ (वय वर्ष ४०) व त्यांची मुलगी आकांक्षा (वय वर्ष १४) या दोघी काल सकाळी कोंटी शिवारातील शेतामध्ये गेल्या होत्या. आकांक्षा ही शेतातील विहिरीवर पाणी आणण्यासाठी गेली होती. पाणी काढत असतांना आकांक्षाचा तोल गेला आणि ती विहिरीत पडली. ही बाब काही वेळेनंतर बेबीबाई खताळ यांच्या निदर्शनास आली. त्यांनी त्वरीत विहिरीकडे धाव घेऊन विहिरीत उडी मारली. त्यांनी मुलीला कसेबसे विहिरीतील पाईपपर्यंत आणले.

समृद्धीला सुसाट करणारे हात उपाशी!, वेतन थकल्याने ३०० मजुरांचा मोर्चा; कंपनीने राज्य

मुलीला वाचवण्यात बेबीबाई खताळ यांना दम भरला. कोणताही आधार न मिळाल्याने पाण्यात बुडून त्यांचा मृत्यू झाला. सदर घटनेची माहिती मिळताच ग्रामस्थांनी घटनास्थळी येवून विहिरीत पाइपला पकडून असलेल्या मुलीला सुखरूप बाहेर काढले. घटनेची माहिती मिळताच पोलिसही घटनास्थळी पोहोचले. पोलिसांनी ग्रामस्थांच्या मदतीने बेबीबाई खताळ यांचा मृतदेह बाहेर काढला. आणि पंचनामा करून शवविच्छेदनासाठी सामान्य रुग्णालयात पाठवला. या प्रकरणी संजय दगडू खताळ (वय वर्ष ३६) यांनी हिवरखेड पोलीस स्टेशनला फिर्याद दिली. पुढील तपास पोलीस गजानन आहेर करत आहेत. आईने जीव देऊन आपल्या मुलीला वाचवण्यासाठी जे प्रयत्न केले त्याची आता सर्वत्र चर्चा आहे. या घडलेल्या घटनेबद्दल हळहळ व्यक्त केली जात आहे.

घरी निघाले, मात्र धुक्यामुळे वाटतेच घात झाला; अपघातात ४३ वर्षीय व्यक्तीने सोडले प्राण,