Tej Police Times
महेश पुजारी आणि रमा (बदललेले नाव) यांचा २५ वर्षांपूर्वी विवाह झाला होता. काही वर्षे एकत्र राहिल्यानंतर दोघांमध्ये खटके उडू लागल्याने महेश स्वतंत्र राहू लागला. त्याने दुसरे लग्न देखील केलं. तर मुलं रमाकडे असल्याने पुन्हा जवळीक वाढली आणि त्याचं रमाकडे येणं वाढलं.
रमाने त्याला दुसऱ्या पत्नीकडे जाऊन राहण्यास सांगून घरात घेण्यास नकार दिला. यावरून महेश संतापला आणि शुक्रवारी सकाळी साडेपाचच्या सुमारास रमा पाणी भरत असताना तो घरात शिरला आणि हातातील ॲसिडची बाटली रमाच्या अंगावर रिकामी केली.
ॲसिड हल्ल्यात जखमी झालेल्या रमाला तिच्या मुलांनी शेजाऱ्यांच्या मदतीने ताडदेव येथील भाटिया रूग्णालयात दाखल केले. रूग्णालय प्रशासनाने रमा हिला दाखल करून घेत या घटनेची माहिती पोलिसांना दिली. लोकमान्य टिळक मार्ग पोलिसांनी ॲसिड फेकून पळालेल्या महेश याला शोधून काढले. त्याला या गुन्ह्यात अटक करण्यात आल्याची माहिती पोलिसांनी दिली.