Tej Police Times
मुंबई : माहीम-धारावी परिसरातील रस्ते आता पूर्ववत झाले आहेत. ‘कुलाबा-वांद्रे-सीप्झ’ मेट्रो-३ या भूमिगत प्रकल्पासाठी हे रस्ते बंद करण्यात आले होते. आता ही मार्गिका पूर्ण होत असल्याने हे रस्ते पूर्ववत केले जात आहेत.
मेट्रो-३ ही एकूण सात टप्प्यात उभी होत आहे. त्यासाठी सप्टेंबर २०१६ पासून रस्ते बंद करण्यास सुरूवात झाली. पहिल्या टप्प्यातील रस्ते मागील वर्षीपासून मोकळे करण्यास सुरुवात झाली आहे. हे सर्व जून २०२४पर्यंत पूर्ववत होतील, असे नियोजन करण्यात आले आहे. जून २०२४मध्ये टप्पा २ मधील अखेरचा रस्ता पूर्ववत केला जाणार आहे. मेट्रो ३नुसार, धारावी स्थानक व माहीम या परिसरातील रस्ता डिसेंबर २०२२पासून पूर्ववत करण्यास सुरूवात झाली. हे काम मार्च २०२३ पर्यंत पूर्ण केले जाणार आहेत.
मेट्रो ३ ही मार्गिका दोन टप्प्यांत सुरू होणार आहे. पहिला टप्पा आरे (सारिपूतनगर) ते बीकेसी उत्तर (प्राप्तीकर कार्यालय) तर दुसरा टप्पा धारावीपासून असेल. पहिला टप्पा डिसेंबर २०२३ तर दुसरा टप्पा डिसेंबर २०२४पासून सुरू होणार आहे.