VIDEO: आधी डरकाळी, मग बिबट्याचे दर्शन; पुण्याच्या चाकणमध्ये नागरिकांमध्ये दहशत

एकता नगर परिसरातील ग्लॅडिओलस इंग्लिश मीडियम स्कूलच्या परिसरातील उसाच्या शेतात बिबट्याने नागरिकांना दर्शन दिले आहे. हा बिबट्या मोठ्या आवाजात डरकाळी फोडताना पहायला मिळत आहे. त्यामुळे नागरिकांनी घराबाहेर पडणे बंद केले आहे. दिवसेंदिवस बिबट्या चे मानवी वस्तीत दर्शन होऊ लागले आहे. अनेक भागात बिबट्याच्या हल्ल्यात आपले प्राण गमवावे लागले आहेत, तर अनेक जण यात जखमी देखील झाले आहेत.

हेही वाचा-खतरनाक! पत्नीने पर्स उघडली अन् पती कोट्यधीश झाला; इतके पैसे मिळाले की आता थेट निवृत्ती घेणार

पाहा व्हिडिओ-

हेही वाचा-संक्रांतीत जळगावात शोक, पतंग उडवताना तोल जाऊन विहिरीत पडला, १० वर्षीय मुलाने जीव गमावला

जुन्नर, आंबेगाव, शिरूर, खेड या तालुक्यात अनेकदा शेतात नागरिकांना बिबट्याचे दर्शन होत असते. मात्र, बिबट्याचे आता शहरात देखील दर्शन होऊ लागले आहे. चाकण येथे औद्योगिक वसाहत असल्याने मोठ्या प्रमाणावर या ठिकाणी मानवी वस्ती आहे. अनेक राज्यातून नागरिक कामासाठी येथे स्थायिक आहेत. त्यातच शहरातच बिबट्याचे दर्शन झाल्याने नागरिकांमध्ये मोठ्या प्रमाणावर भीती पसरली आहे. बिबट्याच्या डरकाळ्या नागरिकांना मोठ्या प्रमाणावर ऐकायला येत असून वनविभागाने या बिबट्याला पकडण्यासाठी पिंजरा लावावा आणि बिबट्याला जेरबंद करावे, अशी मागणी येथील नागरिकांनी केली आहे.

हेही वाचा-पाणी आल्याचं सांगायला गेली; घरात डोकावताच किंचाळली; रोजच्या मारहाणीचा दुर्दैवी शेवट