Tej Police Times
मराठवाडा शिक्षक मतदार संघाची उमेदवारी महाविकास आघाडीतर्फे राष्ट्रवादी काँग्रेसकडून चौथ्यांदा विक्रम काळे यांना देण्यात आली आहे. काळे यांचं उमेदवारी अर्ज भरण्यासाठी राज्याचे विधानसभेचे विरोधी पक्षनेते व राष्ट्रवादीचे नेते अजित पवार हे औरंगाबदेत आले होते. शिवाय जंगी रॅली काढत मविाआ चा मेळावा घेतला होता. दरम्यान राष्ट्रवादीचे वक्ता सेलचे अध्यक्ष प्रदीप सोळुंके यांनी देखील आपला उमेदवारी अर्ज दाखल केला होता. सोळुंके यांची मनधरणी करण्यात पक्ष श्रेष्टींना यश येईल आणी सोळुंके आपला उमेदवारी अर्ज मागे घेतील अशी सर्वांना अपेक्षा होती.मात्र आज अर्ज मागे घेण्याचा शेवटचा दिवस होता तरी देखील सोळुंके यांनी अर्ज मागे घेतला नाही. यामुळे आता राष्ट्रवादीला सोळुंके यांच्या रूपाने बंडखोरीचे ग्रहण लागले आहे. सोळुंके यांनी उमेदवारी अर्ज मागे न घेतल्याने पक्ष श्रेष्ठी कडून त्यांची हकालपट्टी करण्याची घोषणा करण्यात आली आहे.
नागपूरमध्ये नाट्यमय घडामोडीत ठाकरे गटाची माघार; गंगाधर नाकाडे म्हणाले, ‘कुणी गेम केला…’
पक्षासाठी मुख्यध्यापकाची नोकरी सोडली
प्रदीप सोळुंके यांच्याकडे राष्ट्रवादीचे वक्ता सेलचे अध्यक्ष पद होते. गेल्या २० हून अधिक वर्षांपासून ते राष्ट्रवादी काँग्रेस पक्षाचे काम करत आहेत. आज पर्यंत शिक्षक मतदार संघ निवडणूक असो वा पदवीधर मतदार संघाची निवडणूक राष्ट्रवादीच्या विजयात सोळुंके यांचं मोठ योगदान राहिलेलं आहे. त्यांनी मराठवड्यातील शिक्षकांची मोट बांधलेली आहे. शिक्षकांचा मोठा वर्ग नेहमीच सोळुंके यांच्या मागे असल्याचे चित्र पाहायला मिळाले आहे. पक्षांसाठी सोळुंके यांनी सन २०१९ मध्ये मुख्यधापक पदाची नोकरी सोडली.
पंचांनी राजकारण केलं, फ्रंट कॅमेरा पाहून चुकीचा निर्णय दिला; कुस्तीपटू सिकंदर शेखचा थेट खुलासा
निर्णयाने धक्का , शरद पवारांना भेटणार : प्रदीप सोळुंके
मी पक्षासाठी नोकरी सोडली. गेल्या निवडणुकीत देखील मी उमेदवारी मागितली होती. मात्र, मला देण्यात आली नाही. विक्रम काळे यांच्यावर शिक्षक नाराज आहेत. त्यांनाच चौथ्यांदा उमेदवारी देण्यात आली. शिक्षकांचे प्रश्न सोडविण्यासाठी मी मैदानात उतरलो आहे. मी टीव्हीवर बघितले मला पक्षातून काढले.ते पाहून मला धक्काच बसला आहे. मी शरद पवार यांना भेटणार आहे. आता ही निवडणूक मी नाही तर माझे कार्यकर्ते माझ्या साठी लढणार आहेत, असं प्रदीप सोळुंके म्हणाले.
गंभीर दुखापतीनंतर ऋषभ पंतची पहिली प्रतिक्रीया, म्हणाला ‘दुखापतीतून बरा होतोय पण आव्हानं…’
नाशिक पदवीधर मतदारसंघाच्या अपक्ष उमेदवाराने सत्यजीत तांबेंवरून भाजपला सुनावले