समृद्धी महामार्ग की अपघातांचा रनवे! भीषण अपघातात नागपूरचे तिघे ठार, दोन कारमध्ये जोरदार धडक

बुलडाणा : समृद्धी महामार्गावर अपघातांचा सिलसिला सुरूच आहे. आज सकाळी ७ वाजता समृद्धी महामार्गावरील मेहकर जालना रोडवर एका कारने दुसऱ्या कारला मागून धडक दिली. या भीषण अपघातात ३ जणांचा मृत्यू झाला. तर ३ जण गंभीर जखमी झाल्याची घटना घडली आहे.

समृद्धी महामार्गावर सकाळी औरंगाबादहून नागपूरच्या दिशेने दोन कार निघाल्या होत्या. यावेळी समृद्धी महामार्गावर बीबी ते शिवनीपिसा गावाजवळ कार (क्रमांक एमएच 49 बीआर 6082) ही मेहकरपासून काही अंतरावर पुढे जात असताना दुसरी कार (क्रमांक MH32C 4490) यांच्यात धडक झाली. अपघात इतका भीषण होता की दोन जणांचा जागीच मृत्यू झाला. तर एकाचा रुग्णालयात उपचारासाठी नेत असताना मृत्यू झाला. कारमध्ये झालेल्या या भीषण अपघातातील मृतांची नावं समोर आली आहेत. गौरव खडसने, सनवी सोनटक्के आणि अमित खेरकर अशी मृतांची नावं आहे. हे तिघेही नागपूरचे रहिवासी असल्याची माहिती मिळाली आहे.

पैसे काढण्यासाठी बँकेत जात असाल तर सावधान! जुनीच चाल वापरत २ तरुणांनी वृद्धाला गंडवलं

अपघातानंतर तात्काळ महामार्ग पोलीस पीएसआय गजानन उज्जैनकर, गोविंदा उबरहंडे, हरी ओम काकडे, विठ्ठल काळुसे, संदीप किरके, महाराष्ट्र सुरक्षा दलाचे जवान नितीन पवार, जयकुमार राठोड, क्यूआरव्ही कर्मचारी अविनाश मकासरे, रुस्तुम कुट्टे, कैलास जखमी रुग्णवाहिकेच्या 108 क्रमांकाच्या डॉ. दिगंबर शिंदे यांनी घटनास्थळ गाठून जखमींना रुग्णालयात दाखल केले. व अपघातग्रस्त वाहन दुसरबीड इंटरचेंज येथे आणले.

समृद्धी महामार्गावर पुन्हा भीषण अपघात; ट्रकचालकाचा जागीच मृत्यू, १ गंभीर