Tej Police Times
अमरावतीः जिल्ह्याला मोठ्या प्रमाणात वनसंपदा लाभली आहे. जिल्ह्यासह शहराच्या बाजूला मोठे जंगल आहे. अशातच शहरात जवळील पोहरा जंगलाततील एका संत्र्याच्या बागेत बिबट्या शिरल्याने शेतकरी धास्तावले होते. दरम्यान वनविभागाच्या कर्मचाऱ्यांनी थेट शेतात जाऊन शंभर मीटरच्या अंतरावरुन बिबट्याला ट्रिब्युलायझर मशीनच्या साह्याने बेशुद्ध केले. या घटनेचा व्हिडिओ सोशल मीडियावर व्हायरल होत आहे.
वाचाः मित्राच्या लग्नात डान्स करता करता अचानक कोसळला, ३२ वर्षांच्या तरुणाने गमावले प्राण
घाबरलेल्या शेतकऱ्याने वनविभागाच्या रेस्क्यू टीमला कॉल केला आणि रेस्क्यू टीम काही काळात दाखल झाली. पशुविकास अधिकारी डॉक्टर सागर ठोसरे यांच्या मार्गदर्शनात रेस्क्यू टीमने आपले काम सुरू केले. दरम्यान हा बिबट संत्राच्या बागेत दबा धरून बसला होता. दरम्यान अमरावती वनविभागातील रेस्क्यू टीमचे कर्मचारी अमोल गावनेर यांनी बिबट्याच्या अगदी शंभर फूट अंतरावरून त्याच्यावर निशाणा धरला आणि ट्रिब्युलायझर गनच्या साह्याने बिबट्याला बेशुद्ध केले. वन कर्मचाऱ्यांनी काढलेला हा व्हिडिओ सध्या समाज माध्यमांवर चांगलाच व्हायरल होत आहे त्यामुळे या जवानांचे कौतुक सुद्धा मोठ्या प्रमाणात होत आहे
वाचाः मुंबई-गोवा महामार्गावर भीषण अपघात, खासगी बस उलटून दोन जणांचा मृत्यू, २३ जखमी