Tej Police Times
कोलकाता: अन्न, वस्त्र आणि निवारा या माणसाच्या मुलभूत गरजा मानल्या जातात. यापैकी सर्वात महत्त्वाचं म्हणजे अन्न, कारण अन्नाशिवाय कुठलीही व्यक्ती जगू शकत नाही. पण, एक अशीही महिला आहे जिने गेल्या ५० वर्षांपासून जेवण केलेलं नाही. ही महिला गेल्या ५० वर्षांपासून फक्त चहा आणि हेल्थ ड्रिंक्स पिऊन जगत आहे. हे ऐकायला अत्यंत आश्चर्यकारक नक्कीच वाटत असेल. हुगळी जिल्ह्यातील गोघाटच्या श्यामबाजार पंचायतीच्या बेलदिहा गावातील ही महिला आहे. गेल्या ५० वर्षांपासून जेवण न करता निरोगी आणि सामान्य जीवन जगत आहे.
७६ वर्षांच्या अनिमा चक्रवर्ती नावाच्या वृद्ध महिला ही गेल्या अनेक वर्षांपासून फक्त चहावर जगते आहे. तिच्या कुटुंबीयांनी दावा केला आहे की, त्या ५० वर्षांहून अधिक काळापासून जेवण न करताही सामान्यपणे जगत आहेत. अनिमा चक्रवर्ती यांच्या मुलाने सांगितले की, पूर्वी आमच्या कुटुंबाची परिस्थिती चांगली नव्हती आणि माझी आई कामासाठी लोकांच्या घरी जात असत. तिथून ती जे काही तांदूळ आणायची ती आमच्या संपूर्ण कुटुंबाला द्यायची. त्यामुळे तिच्याकडे स्वतःसाठी काहीच उरायचे नाही. तेव्हा ती घरातील द्रव्य पदार्थ खाऊनच आपला उदरनिर्वाह करत असे.
हेही वाचा -वाचलेल्या वेळेत काय करणार? तरुणांच्या उत्तरानंतर मोदी म्हणाले- माझं ऐका, एक काम करा…
या वृद्ध महिलेनुसार, तिला चहा किंवा ती जे काही द्रव्य पदार्थ खातात त्यातून तिला आवश्यक ते पोषक द्रव्ये मिळतात. त्यामुळेच ती निरोगी आहे. यात काही आश्चर्य नाही. समजा जे रुग्ण कोमात आहेत किंवा दीर्घकाळापासून आजारी आहेत, ते राईस ट्यूबमधून दीर्घकाळ द्रव्य घेत आहेत तरीही ते जिवंत आहेत.
हेही वाचा -फक्त सांगायला गृहिणी, घरात भलतंच सुरु, धाड टाकताच इतके पैसे सापडले की मोजून अधिकारी थकले