Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
सातारा : ‘लावणी क्वीन’ म्हणून प्रसिद्ध असणारी गौतमी पाटील वेगवेगळ्या कारणांसाठी सध्या गाजते आहे. Gautami Patil हे नाव आता महाराष्ट्राला नवं राहिलेलं नाही. गौतमीच्या नृत्याचे जितके चाहते आहेत, तितकेच तिच्या सौंदर्यावर आणि फॅशनवर देखील फिदा आहेत. मात्र, आपल्या नृत्यामुळे सर्वांना भुरळ घालणारी प्रसिद्ध लावणीकार गौतमी पाटील अडचणीत येण्याची शक्यता आहे.
गौतमी पाटीलवर गुन्हा दाखल करण्याची मागणी वकिलांकडून करण्यात आली आहे. प्रतिभा शेलार यांनी गौतमी पाटील हिच्या विरोधात तक्रार दाखल केल्यानंतर हा वाद सातारा कोर्टात गेला होता. यावेळी सदर वकिलांनी गुन्हा दाखल करण्याची मागणी केली आहे. त्यानुसार कोर्टाने गौतमीवर गुन्हे दाखल करण्याचे आदेश दिले आहेत.
गौतमी पाटील हीच्या लावणीवर महाराष्ट्रामध्ये बंदी आणावी. त्याचबरोबर मिरजेच्या बेडग या ठिकाणी गौतमी पाटीलच्या कार्यक्रमादरम्यान झालेल्या मृत्यू प्रकरणी गौतमी पाटील हिच्यावर सदोष मनुष्यवधाचा गुन्हा दाखल करावा, अशी मागणी राष्ट्र विकास सेनेच्या वतीने करण्यात आलेली होती. तसेच गौतमी जिथे जाईल तिथे काही ना काही राडा होतो. तरुण पोरांना भुलविण्यासाठी अश्लीलतेचे प्रदर्शन करत असल्याचा ठपका गौतमीवर ठेवण्यात आला आहे.
लावणी ही लोककला आहे. या लोककलेची सेवा महाराष्ट्रात अनेक दिग्गज नृत्यांगणांनी केलेली आहे. त्या कधीही लोककलेत अश्लिलता आणत नव्हत्या. लावणीकडे बघण्याचा समाजातील महिलांचाही दृष्टीकोन बदलत असताना गौतमीने मात्र लावणीची वाट लावली. लावणी करताना पूर्वीच्या नृत्यांगणांच्या डोईवर पदर असायचा. मात्र गौतमीने या सगळ्या मर्यादा ओलांडल्या आहेत, असे विविध आरोप गौतमी पाटीलवर सातत्याने सोशल मीडियावरुन होत आहेत.