सरस्वती पूजन करताना ‘या’ मंत्रांचा करा जप, शिक्षण आणि व्यवसायात मिळेल यश

माघ महिन्याच्या शुक्ल पक्षाच्या पाचव्या तिथीला वसंत पंचमी हा सण साजरा केला जातो. यावेळी ही शुभ तारीख गुरुवार, २६ जानेवारी रोजी आहे. यावेळी वसंत पंचमीसोबत प्रजासत्ताक दिनही साजरा केला जाणार आहे. धार्मिक मान्यतेनुसार, ब्रह्माजीच्या मुखातून बुद्धी आणि ज्ञानाची देवी सरस्वती प्रकट झाली आणि या दिवशी ब्रह्मांडाला आवाजही प्राप्त झाला. वसंत पंचमीच्या दिवशी देवी सरस्वतीची पूजा केल्याने आणि मंत्रांचा जप केल्याने ज्ञान आणि संपत्ती मिळते. तसेच या दिवशी वसंत ऋतु सुरू होतो. वसंत पंचमीच्या दिवशी माता सरस्वतीच्या काही मंत्रांचा जप केल्याने ज्ञान आणि बुद्धीचा विकास होतो आणि नोकरी आणि व्यवसायात यश मिळते. चला जाणून घेऊया या मंत्रांविषयी…

ॐ शारदा माता ईश्वरी मैं नित सुमरि तोय हाथ जोड़ अरजी करूं विद्या वर दे मोय।
वसंत पंचमीच्या दिवशी माता सरस्वतीच्या पूजेमध्ये या मंत्राचा जप केल्याने शक्ती, कुशाग्रता, ज्ञान, बुद्धी इत्यादी प्राप्त होतात आणि माता सरस्वतीचा आशीर्वाद प्राप्त होतो. शरदा मातेचा हा मंत्र खूप चमत्कारिक मानला जातो. या मंत्राचा जप केल्याने करिअरमधील अडथळे दूर होतात.

शारदा शारदांभौजवदना, वदनाम्बुजे।
सर्वदा सर्वदास्माकमं सन्निधिमं सन्निधिमं क्रियात्।
वसंत पंचमीच्या दिवशी सरस्वती मातेची पूजा केल्यानंतर या मंत्राचा जप केल्याने नोकरी-व्यवसायात वृद्धी होते आणि चांगले संपर्क प्रस्थापित होतात. तुळशीच्या माळेने या मंत्राचा १०८ वेळा जप करावा.

विद्या: समस्तास्तव देवि भेदा: स्त्रिय: समस्ता: सकला जगत्सु।
त्वयैकया पूरितमम्बयैतत् का ते स्तुति: स्तव्यपरा परोक्ति:।।
विद्या आणि ज्ञानाच्या प्राप्तीसाठी सरस्वती पूजनादरम्यान या मंत्राचा जप करावा. या मंत्राच्या जपाने मुलांचा बौद्धीक विकास होतो आणि संकटे दूर होतात. तसेच, आपण आपल्या शब्दांवर नियंत्रण मिळवण्यात यशस्वी होतो.

ऎं ह्रीं श्रीं वाग्वादिनी सरस्वती देवी मम जिव्हायां।
सर्व विद्यां देही दापय-दापय स्वाहा।
वसंत पंचमीला सरस्वती मातेला प्रसन्न करण्यासाठी १०८ वेळा या मंत्राचा जप करा. या मंत्राचा मनोभावे जप केल्यामुळे बुद्धी, ज्ञान, विवेकाची प्राप्ती होते

सरस्वती गायत्री मंत्र
ॐ वागदैव्यै च विद्महे कामराजाय धीमहि। तन्नो देवी प्रचोदयात्‌।
हा माता सरस्वतीचा गायत्री मंत्र आहे. वसंत पंचमीच्या दिवशी या मंत्राचा ५ वेळा जप करा. हा मंत्र खूप फायदेशीर मानला जातो. या मंत्राचा जप केल्याने नोकरी-व्यवसायातील त्रासांपासून मुक्ती मिळते आणि मुलांना ज्ञान प्राप्त होते.

शारदायै नमस्तुभ्यं , मम ह्रदय प्रवेशिनी,
परीक्षायां समुत्तीर्णं, सर्व विषय नाम यथा।।
माता सरस्वतीच्या या मंत्राचा जप केल्याने विद्यार्थ्यांमध्ये एकाग्रता वाढते आणि बौद्धिक शक्ती विकसित होते. विद्यार्थ्यांनी सरस्वतीच्या या मंत्राचा रोज जप केल्यास त्यांची स्मरणशक्ती वाढते.

सरस्वती बीज मंत्र

ओम ऐं ह्रीं क्लीं महासरस्वती देव्यै नमः।
सरस्वती ॐ सरस्वत्यै नमः।
महामाया ॐ महमायायै नमः।
श्रीप्रदा ॐ श्रीप्रदायै नमः।
ज्ञानमुद्रा ॐ ज्ञानमुद्रायै नमः।
पद्माक्षी ॐ पद्मा क्ष्रैय नमः।