घोषणाबाजी अन् ‘पठाण’चं पोस्टरही फाडलं! धुळ्यात हिंदुत्ववादी संघटनांचा शाहरुखच्या सिनेमाला विरोध

धुळे शहरात बजरंग दल आणि हिंदू संघटनांकडून जोरदार निदर्शने करण्यात आली. बजरंग दलाने धुळे शहरातील जोती टाकी आणि ॲडलब सिनेमा बाहेर आंदोलन करण्यात आले. मल्टिप्लेक्स आणि थिएटरमध्ये पठाण चित्रपट चालू न देण्याची धमकी या संघटनांकडून देण्यात आली. बहुचर्चित असलेला पठाण चित्रपट धुळे शहरातील ॲडलब चित्रपटगृहात प्रदर्शित करण्याला बजरंग दलाच्या कार्यकर्त्यांचा विरोध होता. यावेळी त्यांनी पठाण चित्रपटाचा निषेध करीत सिनेमाचे पोस्टरही फाडले.

दरम्यान पठाण विरोधातील या आंदोलनामध्ये कोणताही अनुचित प्रकार घडू नये यासाठी पोलिसांचाही कडक बंदोबस्त तैनात करण्यात आला होता. काही काळ थिएटरबाहेर मोठा गोंधळ पाहायला मिळाला. दरम्यान पठाण सिनेमा काही काळाने सुरू झाला होता. होणारा विरोध डावलून किंग खानच्या चाहत्यांनी सिनेमा पाहण्यासाठी गर्दी केल्याचे पाहायला मिळाले.

हे वाचा-तब्बूने खुलेआम केलं अजय देवगणला किस, ‘भोला’च्या टीझर लाँचवेळी काय घडलं?

२५ जानेवारी रोजी ‘पठाण’ रीलिज होताच देशभरातून सिनेमाला चांगला प्रतिसाद मिळाला आहे. अनेक शहरांमधील मोठमोठी थिएटर हाऊसफुल्ल आहेत. शिवाय अनेक ठिकाणी शाहरुखच्या चाहत्यांनी अख्खं थिएटर बुक करत किंग खानप्रति त्यांचं प्रेम व्यक्त केलं आहे. या सिनेमात शाहरुखसह दीपिका पादुकोण, जॉन अब्राहम, डिंपल कपाडिया यांच्याही प्रमुख भूमिका आहेत. त्याचप्रमाणे अभिनेता सलमान खानही या सिनेमात पाहुण्यात कलाकाराच्या भूमिकेत दिसतो आहे. शाहरुख-सलमानच्या चाहत्यांनी सिनेमातील त्यांचा व्हिडिओही सोशल मीडियावर पोस्ट केलाय. पठाणमधील काही सीन ट्विटरवर लीक झाले असून त्यामध्ये सलमानचा व्हिडिओ विशेष व्हायरल होतो आहे.