ते प्राचार्य एकट्या महिला प्राध्यापिकेला बोलायचे आणि अश्लील…; बांगर यांनी कथित संवादाची ऑडिओ क्लिप ऐकवली

हिंगोली : आक्रमकपणासाठी ओळखले जाणारे हिंगोलीतील कळमनुरी विधानसभा मतदार संघातील शिंदे गटाचे आमदार संतोष बांगर यांनी तंत्रनिकेतन महाविद्याच्या प्राचार्यांना मारहाण केल्यानंतर पुन्हा चर्चेत आले आहेत. या मारहाणीनंतर आमदार बांगर यांनी वाशिम येथे एक ऑडिओ क्लिप प्रसिद्ध करत स्पष्टीकरण दिले आहे. महिला प्राध्यापिकांच्या बाबतीत या प्राचार्यांचे वर्तन अतिशय घाणेरडे असून ते सिद्ध करणारी ऑडिओ क्लिप माझ्याकडे असल्याचे बांगर यांनी सांगितले. ही क्लिप आपण उपमुख्यमंत्री देवेंद्र फडणवीस यांनाही ऐकवली आहे. ती ऐकून माझ्या कामगिरीबाबत त्यांनी माझ्या पाठीवर थाप दिल्याचेही आमदार बांगर यांनी म्हटले आहे.

मारहाणीच्या या घटनेनंतर आमदार संतोष बांगर यांनी प्रसारमाध्यमांच्या प्रतिनिधींशी संवाद साधला. कळमनुरी येथील तंत्रिनिकेतन महाविद्यालयाचे प्राचार्य मागील अनेक दिवसांपासून महिला प्राध्यापिकांना त्रास देत होते. हे प्राचार्य महिला प्राध्यापकांकडे काहीही काम नसताना त्यांना ऑफिसमध्ये आणून बसवून ठेवायचे. त्यांच्याशी अश्लील संवाद साधायचे. याचा जाब विचारण्यासाठी मी महाविद्यालयात गेलो होतो.

क्लिक करा आणि वाचा- माझा भाऊ जगला पाहिजे म्हणून… भावासाठी बहिणीने केलेल्या या महादानाची कहाणी आणेल डोळ्यात पाणी

मात्र, त्यावेळी या प्राचार्यांनी मलाही उडवाउडवीची उत्तर दिली. प्राचार्यांचे हे वर्तन अतिशय घाणेरड्या स्वरुपाचे आहे. पीडित प्राध्यापिका महिलेने जे म्हटेल आहे त्याची ऑडिओ क्लिप माझ्याकडे आहे. ही ऑडिओ क्लिप मी उपमुख्यमंत्री देवेंद्र फडणवीस यांना औरंगाबाद येथे ऐकवली. उपमुख्यमंत्र्यांनी ही क्लिप ऐकल्यानंतर त्यांनी माझ्या पाठीवर शाब्बासकीची थाप दिली, असे आमदार बांगर यांनी प्रसारमाध्यमांच्या प्रतिनिधींना सांगितले.

क्लिक करा आणि वाचा- ५ वर्षांची चिमुकली घराजवळ खेळत होती, काही कळण्याच्या आत हिंस्त्र प्राण्याने तिला ओढत नेले, घडला मोठा अनर्थ

संतोष बांगर यांनी ऐकवली महिलेची ऑडिओ क्लिप

प्रसारमाध्यमांच्या प्रतिनिधींशी बोलताना आमदार बांगर यांनी त्यांच्याकडे असलेली ऑडिओ क्लिप ऐकवून दाखवली. बांगर म्हणाले की या ऑडिओ क्लिपमध्ये हे प्राचार्य महिला प्राध्यापकांशी अश्लिल शब्दात बोलत होते, असे सांगत त्यांनी महिला प्राध्यापिकेचा या प्राचार्यांच्या विरोधात सेक्सटॉर्शनचा आरोप असल्याचे सांगितले. हे प्राचार्य एकट्या महिला प्राध्यापिकेला बोलावून घेत असत. त्यानंतर ते त्यांना तासनतास बसवून ठेवत असत. तुम्ही साडी का घालता? ड्रेस घालत जा… साडी घसरून पडली तर काय होईल?, तसेच मला सेक्स कंट्रोल होत नाही… तुम्हाला सेक्समध्ये इंटरेस्ट आहे का?, अशा प्रकारचे अश्लिल संवाद ते महिला प्राध्यापिकेशी करत असतात, असे आमदार बांगर यांनी सांगितले.

क्लिक करा आणि वाचा- तोंडाला रुमाल बांधून घरात शिरले, महिलेचा विनयभंग केला, घरातील लाखोंचा ऐवजही लुटला, गावात एकच खळबळ