Tej Police Times
शाहरुखची ही कमेन्ट अतिशय मजेशीर असून त्यात त्यानं लेकीचं एक खास गुपित जगजाहीर केलं आहे. सध्या शाहरुखदेखील त्याच्या आगामी पठाण सिनेमामुळे खूपच चर्चेत आला आहे. हा सिनेमा उद्या, २५ जानेवारी रोजी प्रदर्शित होत आहे.
सुहानाच्या फोटोंवर शाहरुखची कमेन्ट
सुहाना खाननं सोशल मीडियावर तिचे ग्लॅमरस अंदाजातील फोटो शेअर केले. त्या फोटोंवर नेटकऱ्यांनी भरपूर प्रतिक्रिया केल्या आहेत. सुहानानं शेअर केलेल्या फोटोमध्ये तिनं काळ्या रंगाचा हॉल्टर नेक गाऊन घातला आहे. तर दुसऱ्या फोटोमध्ये सुहाना तिची आई गौरी खान आणि खास मैत्रीण शनाया कपूरबरोबर दिसत आहे. त्या फोटोमध्ये सुहानाने फिकट गुलाबी रंगाचा बॉडीकॉन ड्रेस घातला आहे. दोन्ही फोटोंमध्ये सुहाना खूपच ग्लॅमरस दिसत आहे.
सुहानानं शेअर केलेले फोटो पाहून शाहरुखलादेखील कमेन्ट करण्याचा मोह झाला. त्यानं कमेन्टमध्ये लिहिलं की, ‘खूपच सुंदर बेबी. घरी तू पायजमा घालून फिरत असते. त्याच्या अगदी विरुद्ध दिसत आहेस…’ शाहरुखच्या या मजेशीर कमेन्टमधून त्याची लेक घरात काय ड्रेस घालते हे सगळ्यांना समजलं. शाहरुखनं केलेली कमेन्ट सोशल मीडियावर खूपच चर्चेत आली आहे. दरम्यान, सुहानाने शेअर केलेल्या या फोटोंवर शाहरुख व्यतिरीक्त तिची खास मैत्रिणी अनन्या पांडे, शनाया कपूर यांनीही कमेन्ट केल्या.
सुहानाबद्दल सांगायचं तर लवकरच ती जोया अख्तरनं दिग्दर्शित केलेल्या द आर्चीज सिनेमातून मनोरंजन विश्वात पदार्पण करणार आहे. सिनेमात तिच्यासोबत अमिताभ बच्चन यांचा नातू अगस्त्य नंदा, बोनी कपूरची मुलगी खुशी कपूर आहे. काही दिवसांपूर्वी सुहाना आणि अगस्त्य नंदा यांच्यामध्ये काही तरी सुरू असल्याची जोरदार चर्चा होती. इतकंच नाही तर अगस्त्याने सुहानाची त्याच्या घरच्यांशी ओळखही करून दिली होती. परंतु या बातम्यांवर दोघांच्या घरच्यांनी कोणतीही प्रतिक्रिया दिलेली नाही.