Tej Police Times
मुन्नाभाई आणि सर्किट जोडीची भुरळ आजही सतरा वर्षानंतर कायम आहे. कारण या जोडीला मोठ्या पडद्यावर पाहण्यासाठी प्रेक्षक आतुर आहेत. प्रेक्षकही मुन्नभाई ३ सिनेमाची आतुरतेनं वाट बघत आहेत. प्रेक्षकांची ही प्रतीक्षा आता संपली असून लवकरच संजय आणि अर्शद यांची जोडी मोठ्या पडद्यावर दिसणार आहे. कारण संजय दत्तनं त्याच्या सोशल मीडियावर त्याच्या आगामी नवीन सिनेमाचं पोस्टर शेअर केलं आहे. त्यावर हा सिनेमा २०२३ मध्ये प्रदर्शित होणार असल्याचं म्हटलं आहे. परंतु सिनेमाचं नाव काय आहे, हे मात्र गुलदस्त्यात ठेवलं आहे.
हे वाचा-बॉक्स ऑफिसवर ‘पठाण’चं वादळ; अवघ्या पाच दिवसातच कमावणार २०० कोटी!
संजयनं दिला चाहत्यांना दिली भेट
संजय दत्तनं त्याच्या सोशल मीडिया हँडलवर एक पोस्ट शेअर केली आहे. त्या पोस्टमध्ये त्यानं आगामी सिनेमाचं पोस्टर शेअर केलं आहे. त्या पोस्टरमध्ये संजय आणि अर्शद तुरुंगात दिसत आहे. हे पोस्टर शेअर करताना संजयनं लिहिलं आहे की, ‘आपल्या सर्वांना खूप वाट बघावी लागली. परंतु आता हे वाट पहाणं संपणार आहे. मी अर्शद वारसीबरोबर आणखी एक आणि रंजक सिनेमा घेऊन येत आहे. तो दाखवण्यासाठी मी देखील आतुर आहे. जाणून घेण्यासाठी संपर्कात रहा…’ संजयनं शेअर केलेलं हे पोस्टर त्याच्या चाहत्यांना दिलेली छानशी भेटच आहे.
हे वाचा-बॉलिवूडला ‘पठाण’ची होती गरज! या कारणांमुळे शाहरुखच्या सिनेमाचं होतंय कौतुक
अर्शदनंही शेअर केलं पोस्टर
अभिनेता अर्शद वारसी यानं देखील हे पोस्टर त्याच्या इन्स्टाग्रामवर शेअर केलं आहे. पोस्टर शेअर करत त्यानं लिहिलं आहे की, ‘अखेर हे घडत आहे. माझा भाऊ, मित्र संजय दत्तबरोबर आणखी एक रंजक सिनेमा घेऊन येतोय. आपल्या सर्वांनाच खूप वाट बघावी लागली.’
अर्शद आणि संजयने नव्या सिनेमाचे पोस्टर शेअर केल्यानंतर चाहत्यांना उत्सुकता लागून राहिली आहे की या सिनेमाचं नेमकं नाव काय असेल. हा सिनेमा ‘मुन्नाभाई ३’ असेल की दुसऱ्याच एखाद्या सिनेमाची ही घोषणा आहे, असे सवाल चाहत्यांच्या मनात आहेत.