या अभिनेत्रीसोबत होणार होतं बॉबी देओलचं लग्न, पण अचानक तिनं निर्णय बदलला आणि…

मुंबई:बॉलिवूड अभिनेता बॉबी देओलचा आज वाढदिवस. बॉबी देओल बऱ्याच काळानंतर प्रेक्षकांसमोर आला आहे. वेब फिल्म आणि वेब सीरिजच्या माध्यमातून त्यानं ओटीटी प्लॅटफॉर्मवर अभिनयाची झलक दाखवली.

बॉबी देओलच्या चित्रपटांसोबतच त्याच्या खासगी आयुष्यातीही प्रचंड चर्चा झाली होती. बॉबी देओलची पत्नी तान्या फार कुठं दिसली नव्हती. गेल्या दोन-तीन वर्षात ती आता पार्टी , कार्यक्रमांमध्ये दिसत आहे. पण खूप कमी जणांना माहित आहे की, बॉलिवूड अभिनेत्रीसोबत तो नात्यात होता. पण असं काही झालं की दोघांच्या नात्यात दुरावा आला.

बॉबी देओल आणि निलम कोठारी यांच्या नात्याची चर्चा सुरू होती. बॉबी देओल (bobby deol) आणि अभिनेत्री नीलम कोठारी (neelam kothari) दोघेही नात्याबाबत गंभीर होते आणि लग्न करणार होते. पण एक काळ असा आला की नीलमला असं वाटू लागलं की या नात्यात तिला कधीच आनंद मिळणार नाही. त्यामुळं दोघांचे मार्ग वेगळे झाले.
हेमंत ढोमेनं सांगितला शाहरुख खानचा १८ वर्षांपूर्वीचा तो किस्सा म्हणाला, ‘असं असतं स्टारडम’
बॉबीला मिळत नव्हतं काम
आपल्या सगळ्यांच्याच आयुष्यात चढ-उतार येत असतात. मला काम करण्याची इच्छा होती, तेव्हा मला काम मिळत नव्हतं. असं बॉबीनं सांगितलं. माझ्या आयुष्यातही अशी वेळ आली होती. जेव्हा माझ्याकडे काही काम नव्हतं तेव्हा मी दिवसभर घरी बसून असायचो. माझ्या मुलांच्या डोळ्यांत त्यावेळी पाणी यायचं. आपला बाबा दिवसभर घरीच का असतो, असा प्रश्न त्यांना पडायचा. माझे आई-वडील, माझी बायको यांच्या डोळ्यांतली काळजीसुद्धा मला दिसत होती. मग मला आतून एक प्रकारची ऊर्जा मिळाली. आपण पुन्हा उभारी घ्यायला हवी. नव्यानं सुरुवात करायला हवी असं वाटलं. आपण स्वतःच स्वत:ला मदत करू शकतो, असं बॉबी सांगतो.
अमृता फडणवीसांचं चाहत्यांना आणखी एक खास सरप्राइज, आता अल्बम नव्हे तर चित्रपटासाठी गायलं गाणं

घराणेशाही समीकरण तुम्हीही पुढे चालवणार का?
वडील धर्मेंद्र यांच्या पावलावर पाऊल ठेवत सनी आणि बॉबी ही दोन्ही भावंडं सिनेइंडस्ट्रीत आली. बॉलिवूड आणि घराणेशाही हे समीकरण तुम्हीही पुढे चालवणार का? आपल्या मुलांनाही अभिनय क्षेत्रात उतरवणार का? या प्रश्नांची उत्तरं देताना बॉबी देओल म्हणाला होता, की ‘अजून माझी मुलं खूप लहान आहेत. त्यांनी भरपूर शिकावं. वेगवेगळ्या नवनवीन पर्यायांबाबत माहिती करून घ्यावी. आणि मग विचारपूर्वक आपल्या आवडत्या क्षेत्राची करिअर म्हणून निवड करावी. त्यांनी अभिनयच केला पाहिजे असा माझा अजिबात आग्रह नाही. आपले आई-वडील आपला हक्काचा आधारस्तंभ असतात. तसाच मीसुद्धा माझ्या मुलांच्या पाठीशी खंबीरपणे उभा राहणार आहे. मुलांनी त्यांच्या आवडत्या क्षेत्रात मन लावून काम केलं, मेहनत केली तर नशीबाची साथ त्यांना मिळेल असा विश्वास मला आहे.’