टेम्पर्ड ग्लास असूनही का खराब होते स्मार्टफोनची स्क्रीन? पाहा डिटेल्स

टेम्पर्ड ग्लासचे अनेक प्रकार:

स्मार्टफोनच्या स्क्रीनला अतिरिक्त संरक्षण देण्यासाठी स्क्रीन गार्डचा वापर केला जातो. बाजारात अनेक प्रकारचे स्क्रीन गार्ड उपलब्ध आहेत. जर तुम्ही ते रस्त्याच्या कडेला असलेल्या विक्रेत्याकडून विकत घेतले तर, ते सुमारे ५० ते १०० रुपयांना मिळतील. काही वेळा त्याची किंमत स्मार्टफोन मॉडेलनुसार जास्त असू शकते. ऑनलाइन मार्केट प्लेसवर अगदी १०० रुपये ते १००० रुपये किंमतीचे स्क्रीन गार्ड देखील मिळतील.

वाचा: नवीन Smart TV खरेदी करायचा असेल तर, Amazon सेलमधील ऑफर्स एकदा पाहाच

स्क्रीन का तुटते ?

फोनच्या स्क्रीनचे स्क्रॅचपासून संरक्षण करायचे असेल तर, स्वस्त गार्ड हे काम सहजपणे करतील. परंतु, स्क्रीन तुटण्यापासून संरक्षण करण्याबद्दल सांगायचे झाल्यास हे ग्लास यात अपयशी ठरतील. याउलट काही वेळा यामुळे स्क्रीन तुटू देखील शकते. जाड स्क्रीन गार्ड स्क्रीन आणि कव्हरमधील अंतर दूर करते. त्यामुळे, फोन पडल्यावर त्याचा परिणाम डिस्प्लेवर होतो.

महागड्या स्क्रीन गार्डमध्ये काय विशेष?

बाजारात उपलब्ध असलेले स्वस्त टेम्पर्ड ग्लास किंवा स्क्रीन प्रोटेक्टर फोनच्या स्क्रीनला स्क्रॅचपासून वाचवू शकतो. हे गार्ड फोन पडल्यावर त्याचे संरक्षण करू शकत नाहीत. १०००-२००० रुपयांपर्यंत किंमत असलेले गार्ड फोनच्या स्क्रीनचे चांगले संरक्षण करू शकतात. ते तयार करण्यासाठी सर्वोत्तम तंत्रज्ञान वापरले जाते. त्यांची रचनाही अशा प्रकारे करण्यात आली असते की, फोन पडल्यावर स्क्रीनवर थेट दाब पडत नाही. त्या मध्ये एक अतिशय वेगळ्या प्रकारची काच वापरली जाते. यामुळेच त्यांची किंमतही सर्वसामान्यांपेक्षा जास्त असते.

वाचा: iPhone खरेदीची इच्छा होणार पूर्ण, या मॉडेल्सवर मिळतोय तगडा डिस्काउंट