Tej Police Times
MS Dhoni च्या चाहत्यांसाठी मोठी बातमी, क्रिकेटनंतर कॅप्टन कूल आता मनोरंजन क्षेत्रात, पहिल्या चित्रपटाची घोषणा
मुंबई: क्रिकेटपटू महेंद्रसिंग धोनी यानं आपल्या कर्तृत्वानं क्रिकेट विश्वामध्ये स्वतःचं असं वेगळं स्थान निर्माण केलं आहे. अनेकांसाठी धोनी प्रेरणादायी व्यक्तिमत्व ठरला आहे. भारतीय क्रिकेटमध्ये यशस्वी कर्णधार म्हणून यशस्वी ठरलेला धोनी आता लवकरच एका वेगळ्या भूमिकेत समोर येत आहे. आंतरराष्ट्रीय क्रिकेटमधून निवृत्ती घेतल्यानंतर त्यानं अनेक क्षेत्रात काम करायला सुरुवात केली. आता तो मनोरंजन क्षेत्रातही बॅटींग करण्यास सज्ज आहे.
इतकेच नाही तर धोनीच्या निर्मिती संस्थेतर्फे एमएस धोनीच्या नावाने चक्क एक स्पाय सीरिजची निर्मिती केली जाणार आहे. ही देशातील पहिली अॅनिमेटेड स्पाय सीरिज असणार आहे. या सीरिजचा पहिला सिझन २०२२ मध्ये रिलीज होणार आहे. या सीरिजचे नाव ‘कॅप्टन ७’ असे आहे. धोनीच्या जर्सीचा नंबरही ७ होता. त्यावरूनच हे नाव घेतले आहे. ‘कॅप्टन ७’ या स्पाय अनिमेटेड सीरिजबद्दल धोनीने सांगितले, ‘या सीरिजची कथा आणि संकल्पना खूपच छान आहे. या माध्यमाद्वारे क्रिकेटव्यतिरीक्त इतर माध्यमात काम करण्याची माझी इच्छा पूर्ण होईल.’ साक्षीने सांगितले की, ‘माहीवर अॅनिमेटेड फिक्शन करण्याची कल्पना आमच्यासमोर आली तेव्हा आम्ही त्यासाठी लगेचच तयार झालो. ही सीरिज अतिशय उत्कंठावर्धक असणार आहे.’