वडिलांसमोरच नवऱ्याला किस केल्याने मसाबा गुप्ता ट्रोल; नेटकऱ्यांनी करून दिली संस्कारांची आठवण

मसाबा आणि सत्यजीत यांच्या वेडिंग पार्टीमध्ये बॉलिवूडमधील दिग्गजांनी उपस्थिती दर्शवली होती. सोशल मीडियावर या पार्टीचे अनेक फोटो व्हायरल होतायंत. सोनम कपूर, सोनी राजदान, दीया मिर्झा, कोंकणा सेन या कलाकारांनी या पार्टीत उपस्थिती दर्शवली. विवियन रिचर्ड्स, नीना गुप्ता आणि नीना यांचे पतीदेखील पार्टीत उपस्थित होते. दरम्यान यावेळी सर्वाधिक चर्चा झाली ती मसाबा आणि सत्यजीत यांच्या लिपलॉकची!

मसाबा गुप्ता आणि सत्यजीत मिश्रा यांचा लिपलॉक व्हिडिओ व्हायरल

या पार्टीमध्ये वेडिंग केकही कापण्यात आला. त्यावेळी मसाबा आणि सत्यदीप यांनी एकमेकांना किस केले. त्यांनी आधी एकमेकांना केक भरवला आणि त्यानंतर किस केले. यानंतर कोणीतरी मागून ओरडल्यानंतर या दोघांनी पुन्हा एकदा किस केले. यावेळी मसाबाचे वडील विवियन रिचर्ड्स त्यांच्या मागेच उभे होते.

हे वाचा-प्रमोशन न करता ३०० कोटी कसे कमावले? शाहरुख खानने सांगून टाकली स्ट्रॅटर्जी!

लोकांच्या अजब प्रतिक्रिया

आता हा व्हिडिओ समोर आल्यानंतर इन्स्टाग्रामवर युजर्सनी उलट-सुलट प्रतिक्रिया देण्यास सुरुवात केली. एकाने लिहिले की, हे हिचे दुसरे लग्न आहे का? तर अन्य एकाने कमेंट केली ही- आहा भारतीय संस्कृती! एका युजरने अशी कमेंट केली की, ‘एक काळ असा होता जेव्हा वडिलांच्या आदेशावरुन प्रभू श्रीराम १४ वर्ष वनवासात गेले होते आणि आता एक काळ असा आहे जेव्हा आई-वडिलांसमोर चुकीचे काम केले जाते. हेच तर कलियूग आहे. इंग्रज यांना सोडून गेलेत. एवढेही मॉडेल बनू नका, थोडीशी तरी लाज बाळगा’.