Tej Police Times
अभिनेता सुनील शेट्टी यांची कन्या अथिया शेट्टी आणि क्रिकेटपटू के. एल. राहुल सोमवारी विवाहबद्ध झाले. मोजके नातेवाइक आणि मित्रमंडळींच्या उपस्थितीत हा विवाहसोहळा झाला. सुनील शेट्टी यांनी सोशल मीडियावर ही बातमी दिली.
दरम्यान, हा सोहळा देखील बॉलिवूड सेलिब्रिटींच्या इतर सोहळ्याप्रमाणे सिक्रेट ठेवण्यात आला होता. मोजकेच निमंत्रक या सोहळ्याला हजर होते. त्यामुळं सोहळ्याचे फोटो बाहेर आले नाहीत. तसंच शेट्टी कुटुंबियांच्या खंडाळा इथल्या फार्महाउसवरही दबरदस्त सुरक्षा ठेवण्यात आली होती. फार्महाउसच्या जवळपासही कुणाला जाण्याची परवाणगी देण्यात आली नव्हती. मीडिया प्रतिनिधी आणि फोटोग्राफर्सं यांनाही फार्महाउसच्या जवळपास जाऊ दिलं जात नव्हतं, त्यांनाही काही अंतरावर थांबण्यात आलं होतं. असं असल्यानं लग्नाच्या आदल्या दिवशी सुनील शेट्टी यांनी काही मीडिया प्रतिनिधींशी संवाद साधला होता. याचा एक व्हिडिओ व्हायरल झाला आहे..
या व्हायरल व्हिडिओमध्ये सुनील शेट्टी फोटोग्राफर्सं आणि मीडिया प्रतिनिधींशी मराठीतून बोलताना दिसत आहेत. फोटो ग्राफर्सं सुनील शेट्टी यांना सांगतात की, इथून काहीच दिसत नाही. त्यावर सुनील शेट्टी बोलतात की, इथं कोणीच नाहीय. उद्या मी सगळ्यांना घेऊन इथे येणार. तेव्हा जे विचारायचं ते विचारा. असं सुनील शेट्टी बोलतात.
हा व्हिडिओ पाहून नेटकऱ्यांनी सुनील शेट्टी यांचं कौतुक केलं आहे. त्यांचं मराठीत बोलणं नेटकऱ्यांना प्रचंड भावलं आहे. तर फोटो ग्राफर्सं यांच्यासोबत आपुलकीनं बोलल्याबद्दलही नेटकऱ्यांनी सुनील शेट्टींचं कौतुक केलय.