Tej Police Times
रितेश देशमुखने इन्स्टाग्रामवर स्टोरी शेअर करत ‘वेड’च्या बॉक्स ऑफिसवरील कमाईची माहिती दिली. वेडचे ग्रॉस बॉक्स ऑफिस कलेक्शन ७०.९० कोटी इतके झाले असून, नेट बॉक्स ऑफिस कलेक्शन ५८.११ कोटी इतके आहे. एकूण ३१ दिवसात वेडने ही कमाई केली. सोमवारी ३२ व्या दिवशीही वेडचे काही शो सिनेमागृहात दाखवले जात असून या ७० कोटींच्या कमाईत आणखी वाढ होण्याची शक्यता आहे.
हे वाचा- दुसऱ्यांदा बोहल्यावर चढण्याआधीच अरुंधतीच्या लग्नात विघ्न! आशुतोषला होकार देऊनही…
रीलिज झाल्यानंतर पहिल्या आठवड्यात रितेश-जिनिलिया देशमुखच्या ‘वेड’ सिनेमाने सर्वाधिक कमाई केली होती. पहिल्या आठवड्यातील सिनेमाचे कलेक्शन २०.६७ कोटींचे आहे. दुसऱ्या आठवड्यात हा आकडा २०.१८ कोटींवर पोहोचला. त्यांनंतर तिसऱ्या आठवड्यातील वेडची कमाई ०९.०५ कोटी आणि चौथ्या आठवड्यातील कमाई ६.११ कोटी अशी होती. आता पाचव्या आठवड्यात वेडच्या कमाईचा वेग मंदावला आहे.
हे वाचा-…अन् विकी कौशलला झालेली अटक! सेटवरच पोलिसांनी बेड्या ठोकल्या
ग्रॉस बॉक्स ऑफिस कलेक्शन आणि नेट बॉक्स ऑफिस कलेक्शनमधील अंतर काय?
आता वेडचे ग्रॉस बॉक्स ऑफिस कलेक्शन ७०.९० कोटी तर नेट बॉक्स ऑफिस कलेक्शन ५८.११ कोटी आहे. यामध्ये नेमका फरक काय हे जाणून घेऊया. सिनेमाच्या तिकिटांची विक्री झाल्यानंतर जी एकूण रक्कम जमा होते त्याला ग्रॉस बॉक्स ऑफिस कलेक्शन असे म्हणतात. विविध राज्य सरकारकडून लावण्यात येणारा टॅक्स वजा केल्यानंतर जी रक्कम मिळते त्याला नेट बॉक्स ऑफिस कलेक्शन असे म्हटले जाते.