Tej Police Times
Authored by अभिजित दराडे | Edited by रोहित धामणस्कर | महाराष्ट्र टाइम्स.कॉम | Updated: 30 Jan 2023, 8:09 pm
Election in Pune | मुक्ता टिळक यांच्या निधनामुळे कसबा पेठ मतदारसंघाची जागा रिक्त झाली होती. या जागेवर २६ फेब्रुवारीला निवडणूक होत आहे. तर २ मार्च रोजी निकाल जाहीर होईल. यासाठी भाजपने जोरदार तयारी सुरू केली आहे. पुण्यातील भाजपच्या नगरसेवकांना या पोटनिवडणुकीसाठी टार्गेट देण्यात आले आहे. प्रभागात कमी मतदान पडेल त्या ठिकाणच्या नगरसेवकाचं तिकीट धोक्यात येईल.
हायलाइट्स:
- नागरिकांचे मत जाणून घेण्यासाठी सर्वेक्षण सुरू
- सर्व्हेचा अहवाल पक्षाच्या वरिष्ठ नेत्यांना पाठवला जाईल
- भाजपला उमेदवार निश्चित करण्यासाठी मात्र मोठी कसरत करावी लागत आहे
भाजपतर्फे मुक्ता टिळक यांचे पती शैलेश टिळक, मुलगा कुणाल टिळक, माजी स्थायी समिती अध्यक्ष हेमंत रसाने, माजी महापालिका गटनेते गणेश बिडकर, माजी सभागृह नेते धीरज घाटे यांचे नावे चर्चेत आहेत. मात्र, यांपैकी नक्की कोणाला उमेदवारी द्यावी यावरून भाजपमध्ये अंतर्गत खलबत सुरु असून. यासाठी सर्व्हेची मदत घेण्यात येत आहे.
मविआमध्ये ठिणगी, कसब्यात ठाकरेंच्या मावळ्याने शड्डू ठोकला, काँग्रेस काय करणार?भाजपने शहराबाहेरील तीन संस्थांकडून उमेदवार कोण असावा, यासाठी नागरिकांचे मत जाणून घेण्यासाठी सर्वेक्षण सुरू केले आहे. या सर्व्हेचा अहवाल पक्षाच्या वरिष्ठ नेत्यांना पाठवला जाईल. त्यानंतर उमेदवारी जाहीर होईल अशी माहिती सूत्रांनी दिली आहे. पण गेली ३० वर्ष भाजपची एकहाती सत्ता असणाऱ्या भाजपला उमेदवार निश्चित करण्यासाठी मात्र मोठी कसरत करावी लागत आहे. अशात ‘पुण्याची ताकद, गिरीश बापट’ ही घोषणा मात्र या पोटनिवडणुकीतून गायब दिसत आहे. या सगळ्या निवडणूक प्रक्रियेतून गिरीश बापट बाजूला असल्याचे चित्र आहे. तब्येतीचे कारण देत बापट या निवडणुकीत सक्रिय नसल्याचं सांगितलं जात आहे. सुरवातीला गिरीश बापट यांच्या सुनबाई स्वरदा बापट यांचं नाव सुरवातीला चर्चेत होते. मात्र, पक्षातर्फे जे पाच नावं पाठवली आहेत त्यामध्ये स्वरदा बापट यांचं नाव नाहीये. अशात २५ वर्ष कसब्याचं प्रतिनिधित्व करणारे बापट या प्रक्रियेत नसल्याने आश्चर्य व्यक्त केलं जात आहे.
मतं कमी पडली तर तिकीट गेलंच म्हणून समजा, संजय काकडेंनी नगरसेवकांना झापलंकसबा विधानसभा मतदारसंघात भाजपचे पाळंमुळं रोवण्यात गिरीश बापट यांचा सिंहाचा वाटा आहे. त्यांच्या याच जनसंपर्कामुळे गेली ३० वर्ष कसबा हा भाजपचा बालेकिल्ला राहिलेला आहे. पुणे जिल्ह्याचा विचार केला असता राजकारण कुठंही फिरले असता कसब्यात मात्र बापट आणि पर्यायी भाजपचं हेच समीकरण होत. यापूर्वी उमेदवारी देताना कधीही भाजपला एवढी कसरत करावी लागली नाही. आता मात्र भाजपला इच्छुकांच्या गर्दीत डोकेदुखी झाली. बापट सक्रिय नसल्याने भाजपला अडचणीचे ठरत असून जर पुन्हा गिरीश बापट यांना काम करण्याचा आदेश दिला तर डोकेदुखी कमी होऊ शकते. भाजपच्या याच अंतर्गत बंडाळीचे रूपांतर मात्र भाजपच्या पराभवात होण्याची शक्यता आहे. तर बापट पुन्हा त्याच जोमाने सक्रिय झाले तर भाजपला मोठे यश मिळू शकते.
भाजपचा उमेदवार ४ फेब्रुवारीला ठरणार
कसबा पेठ पोटनिवडणुकीसाठी भाजप उमेदवाराच्या नावाची घोषणा ४ फेब्रुवारीला होणार आहे. भाजपचे उपाध्यक्ष संजय काकडे यांनी ही माहिती दिली. या जागेवरून लढण्यासाठी बरेच इच्छूक असल्याने आम्ही सर्व्हे करणार आहोत. सर्वेक्षण करून जी काही चार-पाच नावं येतील, ती पुढे पाठवली जातील. राज्याची भाजप समिती त्यामधून तीन नावं निवडून दिल्लीला पाठवेल. दिल्लीतून जो कोणी उमेदवार असेल तो २ फेब्रुवारीच्या आसपास निश्चित होईल. त्या उमेदवाराला ४ तारखेला उमेदवारी जाहीर झाली, हे कळेल, अ,से संजय काकडे यांनी सांगितले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.