Tej Police Times
मुंबई : बॉलिवूडमध्ये आपल्या अभिनयानं वेगळी ओळख अभिनेत्री इलियाना डिक्रुझ हिनं निर्माण केली आहे. गेल्या काही दिवसांपासून इलियाना आजारी असून तिच्यावर रुग्णालयात उपचार सुरू आहेत. अभिनेत्रीनं सोशल मीडियावरून तिच्या तब्येतीची माहिती देणारी पोस्ट शेअर केली आहे. तसंच रुग्णालयातील काही फोटो देखील शेअर केले आहेत. ते फोटो पाहून नेटकऱ्यांनी चिंता व्यक्त केली आहे.
इलियानानं रुग्णालयातील बेडवर झोपलेल्या स्थितीमधील काही फोटो सोशल मीडियावर शेअर केले आहेत. त्या फोटोंमध्ये एलियानाचा खूपच आजारी दिसत आहे. तसंच एका फोटोमध्ये तिच्या हाताला सलाईन लावलेलं दिसत आहे. हे फोटो शेअर करत इलियानानं लिहिलं आहे की, ‘एका दिवसात खूप काही बदलू शकतं… काही प्रेमळ डॉक्टर आणि सलाईनच्या तीन बॅगा आहेत.’ इलिनानं पुढं लिहिलं आहे की, ”ज्यांनी ज्यांनी माझ्या तब्येतीची माहिती घेण्यासाठी मला मेसेज केले त्या सगळ्यांचे आभार. तुम्हा सर्वांचे प्रेम मिळाल्यानं मी भारावून गेले आहेत. मी आता ठीक आहे. योग्यवेळी मला वैद्यकीय मदत मिळाल्यानं माझी प्रकृती सुधारत आहे.’
दरम्यान, 2017 मध्ये एका मुलाखतीमध्ये इलियानानं सांगितलं होतं की, तिलाबॉडी डिस्मॉर्फिक डिसऑर्डर या आजारानं ग्रासली होती. यामुळे ती अत्यंत निराश झाली होती आणि त्यातूनच ती आत्महत्या करण्याच्या निर्णयापर्यंत पोहोचली होती. परंतु यातून तिनं स्वतःला सावरलं.
इलियानाच्या कामाबद्दल सांगायचं तर तिनं दाक्षिणात्य तसंच हिंदी सिनेमांमध्ये काम केलं आहे. इलियानानं एकोणिसाव्या वर्षांपासूनच मॉडेलिंगला सुरुवात केली होती. देवासु हा तिचा पहिला सिनेमा होता. या सिनेमासाठी तिला दक्षिणेतील सर्वोत्तम नवोदित अभिनेत्रीचं फिल्मफेअर पारितोषिक मिळालं होतं. त्यानंतर इलियानानं रणबीर कपूरच्या बर्फी सिनेमातून बॉलिवूडमध्ये प्रवेश केला. त्या सिनेमातील इलियानाच्या कामाचं भरभरून कौतुक झालं. त्यानंतर ती बिग बुल या सिनेमात दिसली होती. हा सिनेमा फारसा चालला नाही. लवकरच एलियाना अनफेअयर एँड लवली सिनेमात दिसणार आहे. या सिनेमाचं चित्रीकरण पूर्ण झालं आहे. याशिवाय इलियानानं काही म्युझिक अल्बममध्ये काम केलं आहे. काही दिवसांपूर्वी कतरिना कैफ हिच्या भावाबरोबर एलियना रिलेशनमध्ये असल्याची बातमी चर्चेत आली होती.