Tej Police Times
मुंबई: मराठी सिनेसृष्टीत देशपांडे बहिणींची नेहमीच चर्चा असते. ही अभिनेत्री-बहिणींची जोडी आहे मृण्मयी आणि गौतमी देशपांडे यांची. टीव्ही मालिका, चित्रपट, सीरिज या विविध माध्यमांतून दोघी जणी प्रेक्षकांच्या भेटीला येत असतात. त्या दोघीही सोशल मीडियावर सक्रिय असतात. त्यांच्या कामाबद्दलच्या अपडेट्ससह त्या एकमेकींचे भन्नाट व्हिडिओजसुद्धा त्या पोस्ट करत असतात. आज गौतमीचा वाढदिवस.
मृण्मयी तिच्या पोस्टमध्ये म्हणते की…
मृण्मयीनं एक खास फोटो शेअर केलाय. या फोटोत मृण्मयी, तिचा पती स्वप्निल राव, तसंच गौतमी दिसतेय. या फोटोला कॅप्शन देताना तिनं लिहिलं आहे की, ‘आमची दत्तक घेतलेली मुलगी गौतमी देशपांडे हीचा आज हॅपी बर्थडे आहे. आज ती वयानी खूप मोठी झाली आहे. देव करो आणि वयाला लवकरात लवकर बुद्धी, शहाणपणा, समजूतदार पणा याची पण साथ मिळो..बाकी प्रेम आहेच.
दरम्यान, मृण्मयी आणि गौतमी या दोघींचं एकमेकींवर खूप प्रेम आहे, हे तर सर्वश्रुत आहेच. दोघी एकमेंकीसाठी वाट्टेल ते करायलाही तयार असतात. मृण्मयी मोठी बहिण असल्यानं ती गौतमीचे लाड देखीतल तितकेच करते. काही महिन्यांपूर्वी मृण्मयीनं गौतमीला एक खास गोष्ट गिफ्ट केली होती. मृण्मयीनं गौतमीला आयफोन गिफ्ट केला होता.
भन्नाट व्हिडिओ
यापूर्वीही बहिणींच्या या आंबट गोड नात्याचे काही धमाल व्हिडीओ सोशल मीडियावर व्हायरल झाले आहेत. ‘आम्ही व्हिडिओमध्ये दाखवत असलेल्या गोष्टी प्रत्येक घराघरात घडणाऱ्या आहेत आणि त्याला कोणी अपवाद नाही त्यामुळे हे सगळे व्हिडिओ लोकांना आवडतात’, असं मृण्मयी म्हणते. गमतीशीर व्हिडिओज टाकायचे ही कल्पना त्यांच्या दोघींच्या डोक्यात खूप आधीपासून होती आणि पहिला व्हिडिओ पोस्ट केल्यानंतरच लोकांचा खूप चांगला प्रतिसाद त्यांना मिळाला. अनेकांना हे व्हिडिओ नव्यानं बनवले आहेत किंवा त्यांनी अभिनय केला आहे असंही वाटलं. पण ते त्या-त्या क्षणी टिपलेले आहेत आणि त्यामुळं ते तितकेच खरेसुद्धा आहेत. मृण्मयी आणि गौतमीच्या फक्त चाहत्यांनाच नाही तर मराठी सिनेसृष्टीतील अनेक कलाकारांनादेखील ते व्हिडिओ भावले आहेत.