Tej Police Times
तसंच अनेकांनी या दोघांच्या भेटीबद्दल आनंद व्यक्त करत त्यांचं कौतुक केलं आहे. तर काहींनी या दोघांच्या भेटीमागे नेमकं काय दडलंय याचा शोध घ्यायला सुरुवात केली. त्याच पार्श्वभूमीवर आमिरची बहीण निखत यांनी सलमानच्या भेटीचे काही फोटो सोशल मीडियावर शेअर केले आहेत. पठाण सिनेमात निखतनं शाहरुख खानच्या मानलेल्या आईची भूमिका साकारली आहे.
आमिरच्या कुटुंबासोबत सलमानने काढले फोटो
आमिरची बहीण निखतने इन्स्टाग्राम अकाउंटवरून घरी आलेल्या सलमानसोबत काढलेले काही फोटो शेअर केले. त्यातील एका फोटोमध्ये निखत, सलमान खान आणि निखत-आमिरची आई दिसत आहे. तर दुसऱ्या फोटोमध्ये आमिरच्या घरी असलेले घरातील इतर सदस्य दिसत आहेत. यात निखतनं शेअर केलेला एक फोटो अतिशय खास आहे. त्या फोटोत आमिरचं सलमानचा फोटो काढताना दिसत आहे. फोटो शेअर करत निखतने लिहिलं की, जे आमिरला मिस करत आहेत, त्यांच्यासाठी…’
निखत यांच्या फोटोवर आमिर- सलमानच्या चाहत्यांनी भरभरून कमेन्ट केल्या आहेत. एका चाहत्यानं लिहिलं की, ‘किती गोड फोटो आहे हा…आमिर सर फोटोग्राफर झाले आहेत. आमिर खान खूप खूप प्रेम!’, तर अन्य एका चाहत्यानं लिहिलं की, ‘तुम्ही देशाचा अभिमान आहात…’ तर आणखी एकाने लिहिलं की, ‘हा फोटो खूपच आवडला.’ तर अजून एका चाहत्याने निखत यांना दोघांचे आणखी काही फोटो शेअर करण्याची विनंती केली.
सलमानच्या कामाबद्दल सांगायचं तर त्याचा किसी का भाई किसी की जान हा सिनेमा लवकरच प्रदर्शित होणार आहे. या सिनेमात सलमानबरोबर पूजा हेगडे आणि शहनाज गिल दिसणार आहेत. तसंच त्याचा टायगर ३ हा सिनेमा देखील याचवर्षी प्रदर्शित होणार असून त्यात तो कतरिना कैफसोबत असेल. तर दुसरीकडे आमिर खानचा लाल सिंह चड्ढा सिनेमा बॉक्स ऑफिसवर फारसा चालला नाही. त्यानंतर आमिरने अभिनयातून काही काळासाठी ब्रेक घेतल्याचं सांगितलं.