Tej Police Times
मुंबई: अभिनेता जॅकी श्रॉफ माणुसकी जपणारा माणूस म्हणून ओळखला जातो. जॅकी यांनी स्टारपणाचे नखरे कधीच दाखवले नाहीत. चाहत्यांशीही त्यांची वागण्याची पद्धत इतरांपेक्षा वेगळी आहे. स्वतःच्या कुटुंबाचीही ते तेवढीच काळजी घेतात. याचा प्रत्यय अनेकदा आलाय.
कृष्णा सिनेमात काम करणार की नाही, याबाबत ते म्हणाले होत की, ‘कृष्णाला अभिनयात रस आहे अथवा नाही, याबाबत मला माहिती नाही. माझा मुलगा टायगरही अभिनय करत आहे, पण असं त्यानं मला सांगितलं नव्हतं; पण माझ्यासारखंच या इंडस्ट्रीनं माझ्या मुलाचंही स्वागत केलं. कृष्णाला अभिनय करायचा असेल; तर मी तिला थांबवणार नाही. उलट मला त्याचा आनंदच होईल.’
कुटुंबाला प्राधान्य
जॅकी दादा नेहमीच कुटुंबाला प्राधान्य देताना दिसतात. त्यांच्या मुलांना जेव्हाही त्यांची गरज असते, तेव्हा तेव्हा ते त्यांच्यासोबत उभे असतात. जॅकी यांनी १९८७ मध्ये आयशासोबत लग्न केलं. त्यांना टायगर श्रॉफ आणि कृष्णा श्रॉफ ही दोन मुलं आहेत. टायगरही बॉलिवूडमध्ये लोकप्रिय झाला आहे. 
शैलेश लोढा यांचा ‘तारक मेहता’च्या निर्मात्यांवर गंभीर आरोप, मालिका सोडल्यानंतर कलाकारांचे पैसे….
कृष्णा असते नेहमीच चर्चेत
टायगर बॉलिवूडमध्ये लोकप्रिय झाला असला तरी, कृष्णा मात्र बॉलिवूडपासून दूर आहे. पण सोशल मीडियावर मात्र ती प्रचंड सक्रिय असते. इतकंच नाहीतर कृष्णा तिचे हाॅट आणि बोल्ड फोटो शेअर करत असते.
शुन्यातून निर्माण केलं विश्व
१ फेब्रुवारी १९५७ रोजी मुंबईतील वाळकेश्वर येथील तीन बत्ती परिसरात जन्मलेले जॅकी आज ६६ वर्षांचे झाले. ८० च्या दशकात जॅकी अॅक्शन आणि रोमँटिक हिरो म्हणून ओळखलं जात होतं. जॅकी यांनी आतापर्यंत जवळपास २५० चित्रपटांमध्ये काम केलं आहे. मात्र जॅकी यांच्या आयुष्याची गोष्ट ही कोणत्याही सिनेमाच्या कथेपेक्षा कमी नाही. चाळीत राहणारा टपोरी तरुणानं बॉलिवूडचा एक काळ गाजवला.