Tej Police Times
अमनने तरुणीला भेटण्यासाठी बोलावलं होतं. परंतु, ती सातत्याने नकार देत होती. त्यातच ती मागील आठवड्यात काही कामानिमित्त मैत्रिणीसोबत घराच्या बाहेर पडली. तरूणी कलोडे मंगल कार्यालय परिसरात आली असता या आरोपीने तिला वाटेत गाठलं. त्यानंतर तिला जबरदस्तीने आपल्या गाडीवर बसवून निर्जनस्थळी नेलं. माझ्याशी बोलत नाहीस या कारणावरुन आरोपीने तरुणीसोबत वाद घालण्यास सुरुवात केली.
Share Market Opening: अर्थसंकल्पापूर्वी बाजारात तेजीची हवा, सेन्सेक्स ४०० अंकांनी वधारला
वाद वाढला आणि रागाच्या भरात त्याने आपल्यासोबत आणलेलं विषारी औषध तिला बळजबरीने पाजलं. दरम्यान, तरुणाने देखील विषारी औषध पीत स्वत:ला देखील संपवण्याचा प्रयत्न केला. दोघांनाही सेवाग्राम रुग्णालयात उपचारासाठी दाखल करण्यात आलं आहे. मात्र, दोघांची प्रकृती चिंताजनक आहे, अशी माहिती हिंगणघाटचे पोलीस निरीक्षक कांचन पांडे यांनी दिली.
पीडितेची तक्रार आणि वैद्यकीय अहवालानंतर पोलिसांनी माथेफिरु तरुणावर गुन्हा दाखल केला आहे. हिंगणघाट येथील ज्ञानेश्वर वॉर्डात राहणाऱ्या आरोपी अमन निखार याच्यावर गुन्हा दाखल करण्यात आला आहे. या प्रकरणी हिंगणघाट पोलिसांनी तरुण अमन याच्याविरुद्ध कलम ३०७, ३२८, ३०९ अन्वये गुन्हा दाखल केला आहे. पुढील तपास हिंगणघाट पोलीस करत आहेत.
किंग खानची हवा! टीम इंडियाही झाली शाहरुखची फॅन, तिसऱ्या टी-२० सामन्यापूर्वीचे Photo Viral