Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
सिनेमा पहिलं प्रेम पण ‘राहा’ला प्राधान्य… चित्रपटात काम करण्याविषयी आलिया भट्टचा मोठा निर्णय!
आलिया अलीकडेच झी सिने अवॉर्ड्सच्या कार्यक्रमात सहभागी झालेली. तिच्यासोबत वरुण धवनही उपस्थित होता. आई झाल्यनंतरही आलियाचा स्टनिंग लूक अनेकांना थक्क करणारा होता. यावेळी तिला विचारण्यात आले की अनेकदा असं होतं की अभिनेत्री आई झाल्यानंतर कमी प्रमाणात काम करतात, आलियाही याच पावलावर पाऊल ठेवणार का? यावेळी आलियाने यावेळी असं म्हटलं की तिची मुलगी तिचं पहिलं प्राधान्य असेल. आलियाचा हा व्हिडिओ सोशल मीडियावर व्हायरल होतो आहे.
हे वाचा-राज्य सरकारच्या निर्णयावर केदार शिंदेची पोस्ट; शाहीरांचा फोटो शेअर करत म्हणाले…
नेमकं काय म्हणाली आलिया?
पत्रकारांच्या प्रश्नाचे उत्तर देताना आलिया म्हणाली की, ‘सध्या माझ्यासाठी माझी मुलगी राहा हेच प्राधान्य आहे. चित्रपट आणि चित्रपटांमध्ये काम करणं हे माझं पहिलं प्रेम आहे. मी नक्कीच काम करत राहणार, मात्र आता अधिकाधिक सिनेमांमध्ये काम करण्यापेक्षा उत्तम दर्जा असणाऱ्या सिनेमांमध्ये काम करेन. क्वालिटी ओव्हर क्वांटिटीची निवड करेन.’
हे वाचा-टीव्हीच्या संस्कारी सुनेचा दबंग अवतार! मुंबईच्या रस्त्यावर तुफान वेगात पळवली बाइक
दरम्यान असं असलं तरी आलियाचे विविध सिनेमे आता रांगेत आहेत. ‘हार्ट ऑफ स्टोन’ हा हॉलिवूडचा सिनेमा येत्या ऑगस्टमध्ये रीलिज होतोय. तर आलियाने संजय लीला भन्साळींच्या ‘बैजू बावरा’चे शूटिंगही सुरू केले आहे. करण जोहरच्या ‘रॉकी और रानी की प्रेम कहानी’ या सिनेमाचेही शूटिंग पूर्ण झाले असून यामध्ये ती रणवीर सिंगसोबत स्क्रिन शेअर करतेय. ‘कॉफी विथ करण’च्या सातव्या सीझनमध्ये रॉकी आणि रानीची ही जोडी सहभागी झाली होती. दरम्यान आलियाच्या ‘जी ले जरा’ या सिनेमाची घोषणाही काही महिन्यांपूर्वी झालेली. फरहान अख्तरच्या या सिनेमात आलियासह कतरिना कैफ आणि प्रियांका चोप्रा मुख्य भूमिकेत असतील.