बसमध्ये जागा मिळविण्यासाठी अपंग व्यक्तीची धडपड, कुबड्या सावरत खिडकीतून मारली उडी

औरंगाबाद: सोशल मीडियावर दररोज नवनवीन व्हिडीओ व्हायरल होत असतात. यापैकी काही व्हिडीओ हे आपल्यााला खळखळून हसायला लावतात. तर काही व्हिडीओ आपल्याला आश्चर्यचकित करुन सोडतात. ग्रामीण भागात एसटीमध्ये जागा मिळवणं हे काही कुठल्या आव्हानापेक्षा कमी नसतं. त्यासाठी मोठी धडपड करावी लागते. कोणी रुमाल टाकून जागा मिळवतं तर कोणी खिडकीतून आपल्यासाठी सीट मिळवतात. सामान्य माणसांसाठीच हे इतकं आव्हानात्मक असतं तर एखाद्या अपंग प्रवाशासाठी त्याहून अधिक कठीण असतं. हेच दर्शवणारा एक व्हिडीओ सध्या सोशल मीडियावर व्हायरल होतो आहे.

पाहा व्हिडीओ –

हेही वाचा -अखेरचा मुलीचा चेहरा बघून घे, पतीला मेसेज; साडेतीन वर्षाच्या लेकीला कडेवर घेतलं अन् पत्नीने… नागपूर हादरलं

स्थानकावर बस आल्यानंतर या बसमध्ये जागा मिळवण्यासाठी प्रवासी वेगवेगळ्या शक्कल लढविताना दिसतात. परंतु, आता अपंग प्रवाशांना सुद्धा बसमध्ये जागा मिळवण्यासाठी धडपड करावी लागत असल्याचा प्रकार समोर आला आहे. औरंगाबाद शहरातील मध्यवर्ती बस स्थानकावर औरंगाबाद पैठण बसमध्ये जागा मिळवण्यासाठी एक अपंग व्यक्ती चक्क बसच्या खिडकीतून चढला. हा व्हिडिओ सध्या सोशल मीडियावर चांगलाच व्हायरल झाला आहे.

हेही वाचा -टीव्हीचा रिमोट शोधत होते, सोफ्याच्या मागे बघितलं तर १३ वर्षांपूर्वीचा खजिना सापडला…

महामंडळाच्या बसमध्ये अपंग व्यक्तींसाठी राखीव जागा असतात. परंतु, सध्या या राखीव जागा केवळ नावालाच असल्याचं दिसत आहे. कारण, या जागेवर देखील सर्वसामान्य प्रवासी कब्जा करतात. त्याकडे महामंडळाचे दुर्लक्ष होते. यामुळेच अपंग व्यक्तींना बसमध्ये जागा मिळवण्यासाठी अशी धडपड करावी लागत आहे की काय असा प्रश्न उपस्थित होतोय.

हेही वाचा -स्वर्गात मोठ्या पर्वतरांगा अन् फुलबागा; क्लिनिकली डेड होऊन स्वर्ग फिरुन आलेल्या महिलेचा अजब दावा