Tej Police Times
सिद्धार्थ मल्होत्रा-कियारा आडवाणीचं प्रियांका-निकच्या पावलावर पाऊल! या दिवशी होणार शाही लग्नसोहळा
आजतकने दिलेल्या वृत्तानुसार, सिद्धार्थ आणि कियारा जैसरलमेरमधील सूर्यगड पॅलेसमध्ये लग्न करणार आहेत. या लग्नासाठी १०० ते १२५ पाहुणेच आणि नातलग उपस्थित असतील. या पाहुण्यांच्या यादीमध्ये बॉलिवूडमधील दिग्गजांची नाव असण्याची शक्यता आहे. अमिताभ बच्चन, करण जोहर, शाहरुख खान आणि वरुण धवन या लग्नाला उपस्थित राहतील अशी माहिती रिपोर्टमध्ये दिली आहे.
हे वाचा-केंद्रीय अर्थसंकल्पाबाबत मराठी अभिनेत्याची प्रतिक्रिया चर्चेत; म्हणाला- ‘आता सगळेच…’
८४ लग्झरी खोल्यांचं भाडंही आहे सामान्यांच्या आवाक्याबाहेर
रिपोर्टनुसार सूर्यगड पॅलेसमधील लक्झरी व्हिला पाहुण्यांसाठी बुक करण्यात आला आहे. याठिकाणी सुमारे ८४ खोल्या बुक करण्यात आल्या असून पाहुण्यांच्या सोयीसाठी ७० पेक्षा जास्त लग्झरी गाड्याही बुक करण्यात आल्यात. दरम्यान या पॅलेसमधील लग्नासाठीचे दररोजचे भाडे 1 ते 2 कोटी रुपयांच्या जवळपास आहे. लग्नाच्या तयारीची जबाबदारी मुंबईतील एका मोठ्या वेडिंग प्लॅनर कंपनीकडे असून ४ फेब्रुवारीपासून सूर्यगड पॅलेसमध्ये पाहुणे पोहोचण्यास सुरुवात होईल असेही सांगण्यात आले.
होतेय हळद-मेहंदीची तयारी
रिपोर्टमधील माहितीनुसार हळदी आणि संगीत समारंभही लग्नाच्या दिवशीच होणार असल्याचे बोलले जात आहे. मात्र या विधींविषयी अधिकृतपणे कोणी दुजोरा दिलेला नाही. मात्र सूर्यगड पॅलेसमध्ये हळद, संगीत आणि मेहंदी विधींसाठी सेट डिझाइन करण्याचे काम सुरू झाले आहे.
हे वाचा-केंद्रीय अर्थसंकल्पाबाबत मराठी अभिनेत्याची प्रतिक्रिया चर्चेत; म्हणाला- ‘आता सगळेच…’
सेलिब्रिटींच्या पावलावर पाऊल
२०२१ डिसेंबरमध्ये विकी कौशल आणि कतरिना कैफ यांनी लग्नगाठ बांधत सर्वांना आश्चर्याचा धक्का दिलेला. या जोडीने सवाई माधोपूर याठिकाणीच्या बरवारामधील सिक्स सेन्सेस फोर्ट या रिसॉर्टमध्ये लग्न केले होते. तर त्याआधी प्रियांका चोप्रा आणि निक जोनस या कपलने उमैद भवन पॅलेसमध्ये लग्नगाठ बांधलेली. आता सिद्धार्थ-कियाराही शाही ठिकाणी लग्नसोहळ्या करत असल्याचे समोर आल्याने त्यांचे चाहते विशेष उत्सुक आहेत.