Tej Police Times
यूपीएससी सीएसईची तयारी करताना वर्तमान घडामोडींसोबतच सामान्य ज्ञान कौशल्य वाढवण्यासाठी दररोज वर्तमानपत्रे वाचायचे असे त्या सांगतात. यूपीएससी इच्छुकांनी पेपरसाठी त्यांचा पर्यायी विषय हुशारीने निवडला पाहिजे. कारण हाच पर्यायी विषय विद्यार्थ्यांसाठी चेंजमेकर ठरु शकतो. अशावेळी तुमची आवड असलेला आणि माहिती असलेला विषय निवडणे केव्हाही चांगले असेही त्या म्हणतात.
टीना दाबी यांनी देखील स्वतःचे वेळापत्रक आणि अभ्यासाचे वेळापत्रक बनविले आणि त्याचे काटेकोर पालन केले होते. यासोबतच त्या उमेदवारांना पुरेशी विश्रांती घेण्याचा सल्ला देतात.
टीना दाबी यांनी दिल्ली विद्यापीठ (LSRC, DU) येथील लेडी श्री राम कॉलेज फॉर वुमन येथे शिक्षण घेत असतानाच यूपीएससीची तयारी सुरू केली. त्यांनी बीए पॉलिटिकल सायन्समध्ये पदवी पूर्ण केली. टीना दाबी २०१५ मध्ये यूपीएससी नागरी सेवा परीक्षेत चांगल्या गुणांनी उत्तीर्ण झाली. अनुसूचित जाती प्रवर्गातून यूपीएससी सीएससी परीक्षा उत्तीर्ण करणाऱ्या त्या पहिल्या महिला देखील ठरल्या. दाबी यांनी एकूण १०६३ गुण मिळवले आणि ऑल इंडिया रँक वन मिळवून यश मिळविले.
पहिल्याच प्रयत्नात यूपीएससी सिव्हिल सर्व्हिसेस परीक्षा उत्तीर्ण झाल्यानंतर त्यांना देशभरातून प्रसिद्धी मिळाली. टीना यांनी आयएएस अधिकारी अथरसोबत लग्न केले होते पण दोघांचा घटस्फोट झाला. यानंतर २०२२ मध्ये राजस्थान केडरचे वरिष्ठ आयएएस अधिकारी प्रदीप गावंडे यांच्यासोबत त्यांनी दुसरे लग्न केले. आता दोघांचे फोटो सोशल मीडियावर व्हायरल होतात. टीना दाबी यांची बहीण रिया दाबी देखील आयएएस अधिकारी आहे.
Success Story: ऐकू येत नसल्याने शिपायाची नोकरीही मिळेना, परिस्थितीवर मात करत बनला आयएएस
Success Story: आईने मजुरी करुन शिकविले, मुलगी पहिल्याच प्रयत्नात बनली आयपीएस